ئێمباپێ بەهۆی پێکانەوە بەشداری مەشقەکانی ئەمڕۆی نەکرد
یاریگا –
پاریس سانجێرمان ئاشکرایکرد کە کیلیان ئێمباپێ و عوسمان دێمبلی و کیلۆر ناڤاس بەهۆی پێکانەوە ئەمڕۆ بەشداری مەشقەکانیان نەکردووە.
ئێمباپێ کە شەوی دووشەممە لە ئاهەنگی دابەشکردنی خەڵاتەکانی UNFP بوو و خەڵاتی باشترین یاریزانی ساڵی بەدەستهێنا، بەپێی راپۆرتێکی پزیشکی، کە لەلایەن پاریس سانجێرمانەوە بڵاوکراوەتەوە، دەرکەوتووە کە لە رانی چەپیدا تووشی پێکان بووە. بۆیە کاپتنەکەی فەرەنسا لە یارییەکەی سبەی بەرامبەر نیس ئامادە نابێت.
🏆🔝 𝐌𝐞𝐢𝐥𝐥𝐞𝐮𝐫 𝐣𝐨𝐮𝐞𝐮𝐫 de #Ligue1 @KMbappe est élu meilleur joueur de la saison 2023/2024 en #Ligue1 ! 👏❤️💙#TrophéesUNFP ✨ pic.twitter.com/5DOd9wOojj
— Paris Saint-Germain (@PSG_inside) May 13, 2024
لە یارییەکەی شەوی یەکشەممە بەرامبەر تۆلۆز، نزیک بوو کیلیان ئێمباپێ تووشی پێکانیکی گەورە لە ناوچەی بەستەری ئەژنۆی ببێت و خەنەکانی ریال مەدرید لەناو ببات. لە کاتی کۆنتڕۆل کردنی تۆپدا، ئەستێرە فەرەنسییەکە جوڵەیەکی مەترسیداری کرد و تێیدا ئەژنۆی بە تەواوی چەمایەوە. جوڵەیەک کە زۆرجار پێکانی قورسی بەستەری بەدوا دادێت، بەڵام خۆشبەختانە ئەمجارەیان بەخت یاوەری بوو و تا کۆتایی یارییەکە لە یاری کردن بەردەوام بوو. بەڵام راپۆڕتە پزیشکییەکان ئەمڕۆ دەریان خستووە کە هێرشبەرەکە ماسولکەی رانی تووشی گرژبوون بووە و ناتوانێت لە یاریی سبەی بەرامبەر نیس یاریی بکات.
Le point médical avant #OGCNPSG. 📌@Aspetar
— Paris Saint-Germain (@PSG_inside) May 14, 2024
لە درێژەی راپۆرتەکە هەروەها یاماژە بەوە کراوە، ناڤاس کە لە کۆتایی ئەم وەرزەدا یانەکە جێدەهێڵێت، تووشی پەتا بووە ئەویش بەژۆی نەخۆشییەوە نەیتوانی بەشدرای مەشقەکان بکات، هەروەک دێمبێلیش کە لە کاتی راهێنانەکان لە هۆڵی ئاسن ئازار بە پشتی گەیشتووە و بە ئەگەریکی زۆر بۆ یارییەکەی سبەی ئامادە نابێت.
