یاریگا –
ئالیسن بەیكەر، گۆڵپارێزی هەڵبژاردەی بەڕازیل و یانەی لیڤەرپوولی ئینگلیزی ژمارەیەكی نایابی لەگەڵ یانەكەی تۆماركرد.
شەوی رابردوو ئاستۆن ڤێلا لە یاریگای ڤێلا پاركی تایبەت بە خۆی میوانداری لیڤەرپوولی كرد و یارییەكەش بە ئەنجامی سێ گۆڵ بۆ هەردوولا كۆتایی هات ، لە میانی یارییەكانی هەفتەی 37ی پرێمەرلیگ.
لە یارییەكەدا ئالیسن بەیكەرلە پێكهاتەی سەرەكی لیڤەرپوول بوو، بەوەش ژمارەی یارییەكانی لە خولەكە گەیاندە 200 یاری.
2⃣0⃣0⃣ @premierleague appearances for AB1 🇧🇷 pic.twitter.com/hkfo3YZITs
— Liverpool FC (@LFC) May 13, 2024
هەژماری فەرمی لیڤەرپوول لە پلاتفۆرمی ئێكس بە بۆنەی گەیشتنی ئالیسن بە 200 یاری لەگەڵ لیڤەرپوول لە پرێمەرلیگ پیرۆزبایی لە گۆڵپارێزەكە دەكەن.
لە گواستنەوەكانی هاوینی ساڵی 2018 ئالیسن لە ریزەكانی رۆماوە بە بەهای 62 ملیۆن یۆرۆ پەیوەندی بە لیڤەرپوولەوە كرد.
رێدز بە كۆكردنەوەی 79 خاڵ لە ریزبەندی سێیەمی پرێمەرلیگ دێت و ئاستۆن ڤێلاش بە 68 خاڵ لە ریزبەندی چوارەم دێت.
