یاریگا-دادگای هارۆو کراون لە لەندەن ئەمڕۆی سزای ١٠ ساڵی زیندانی بەسەر یەکێک لەو کەسانە سەپاند کە هێرشیکردە سەر مەسوت ئۆزیل و ساید کۆلاسیناج.
هەردوو یاریزانەکەی گەنەرز کەوتنە تەڵەی چەند دزێک کاتێک ویستیان بە زەبری چەقۆ پارە و کاتژمێرە رۆڵێکسەکەی ئۆزیل ببەن کە نرخی زیاد لە ٢٠٠ هەزار پاوەندە. بەڵام ئازایی کۆلاسیناج بووە هۆی ئەوەی بتوانێت پاشەکشەکەیان پێبکات و رزگاریان بێت. دواتر هێرشکەرەکان دەستگیرکران و ئەمڕۆش سزای زیندانی ١٠ ساڵیان بەسەر یەکێکیان بە ناوی سمز سەپێندرا. بەڵام دووهەمیان کە ناوی جۆردن نۆرسئۆڤەرە بۆ کاتێکی دیکە دواخرا..
بەگوێرەی دادگا دوو تاوانبارەکە چەقۆ و دەمانچەی بزماریان بەکارهێناوە لەو رووداوەی لەبەردەم ماڵی کۆلاسیناج روویداوە ئەوەش بە هێرشی چەکدار هەژماردەکرێت.
دوای ئەو رووداوە، ئەو دوو یاریزانە چەند یارییەک دوورخرانەوە بەهۆی تێکچوونی باری دەروونیان.
