یاریگا –
مانچێستەر یونایتد تەنها بە شکستەکەی ئەمشەویان جارێکیر نەبوونە بابەتی مێدیاکان، دیمەنێکی یاریگەکەشیان لە یاریی ئەمشەویان بەرانبەر ئارسیناڵ بووەتە ترێند و تۆڕی هەواڵی سکای سپۆرتس ڤیدیۆیەکی بڵاو کردەوە کە بنمیچی ئۆڵدترافۆرد وا دەردەکەوێ خراپ بووبێت بە جۆرێک باراناو هاوشێوەی تاڤگەیەکی بەخوڕ دەڕژێتە ناو یاریگەکە.
مان یو کە بۆ دووەم یاریی لەسەریەک تووشی شکست هاتن، لە کۆتا پێنج یاریدا تەنها بردنەوەیەکیان هەیە. ئەمشەویش بە ئارسیناڵ دۆڕان. لەو یارییەی کە کۆتا 10 خولەک لێزمە باران دەستیپێکرد و بنمیچی ئۆڵدترافۆردی کرد بە تاڤگەیەک تا بێژەری یارییەکە بە تەنزەوە وتی: “سێر جیم راتکلیف خۆی لێرەیە با ئەمەیش بخاتە لیستی چاکسازییەکانەوە”
دیمەنەکە بە ڤیدیۆ:
The Old Trafford waterfall 😳 pic.twitter.com/2Xibzh200l
— Sky Sports Premier League (@SkySportsPL) May 12, 2024
بەر لە تەواوبوونی خولی ئینگلیزی بە دوو هەفتە، مانچێستەر بە کۆکردنەوەی 54 خاڵ لە پلەی هەشتەم دێن و هیواکانی تا دێت کزت دەبێت بۆ دەستکەوتنی بلیتێکی یۆرۆپالیگ.
