بۆچی پاریس سانجێرمان وێنەکانی ئاشکراکردنی درێسی نوێی یانەکەی سڕییەوە؟
یاریگا –
پاریس سانجێرمان وێنەکانی ئاشکراکردنی درێسە نوێیەکەی بۆ وەرزی نوێ بەهۆی چەند هەڵەیەکی زەق سڕییەوە و رووبەڕووی رەخنەی زۆر بووەوە.
دوای ئەوەی یانەی پاریس سانجێرمان درێسی یەکەمی بەبێ کیلیان ئێمباپێ بۆ وەرزی داهاتوو راگەیاند، یانە فڕەنسییەکە تووشی چەند هەڵەیەکی زەق بوو، هەرزوو وێنەکانیان سڕییەوە، کە پێشتر رایانگەیاندبوو وێنەکانیان بۆ ژیریی دەستکرد دروستکردووە.
😑🇫🇷 𝐍𝐄𝐖: PSG Releases Bizarre AI Images to Celebrate New Home Kit, Including One With Adidas Stripes: https://t.co/hBxIoUwNuS
— Footy Headlines (@Footy_Headlines) May 12, 2024
لەو وێنانەی پاریس سانجێرمان بڵاویکردبووەوە، چەند هێڵیک لەسەر گۆرەوییەکانی یاریزانەکان نەخشێنرابوون، لەکاتێکدا ئەو هێڵانە بەشێکن لە دیزاین و براندەکانی کۆمپانیای ئادیداس، بەڵام کۆمپانیای نایکی سپۆنسەر و بەرهەمهێنەری درێسەکانی یانە فڕەنسییەکەیە.
یەکێکی دیکە لە هەڵە زەقەکانی وێنەکان ئەوە بوو، تیۆ هێرناندێز لەسەر قۆڵی چەپی تاتۆی هەیە، لەکاتێکدا ئەو بەرگریکارە فڕەنسییە تاتۆی لەسەر قۆڵی چەپی نییە و تەنیا لەسەر قۆڵی راستی تاتۆی هەیە.
