یاریگا –
یانەی ریال مەدریدی ئیسپانی ریكۆردێكی مێژووی دوای بردنەوەكەیان بەرامبەر گرانادا تۆمار كرد.
شەوی رابردوو گرانادا لە یاریگای خۆیدا میوانداری ریال مەدریدی كرد و یارییەكەش بە ئەنجامی چوار گۆڵی بێ وەڵام لە بەرژەوەندی یانەی میوان كۆتایی هات، لە میانی یارییەكانی هەفتەی 35ی لالیگای ئیسپانیا.
گۆڵەكانی ریال مەدرید لەلایەن براهیم دیاز دوو گۆڵ و ئاردا گولەر و فران گارسیا گۆڵێك تۆمار كران.
بەو بردنەوەیەش ریال مەدرید ژمارەیەكی پێوانەیی خۆی لە لالیگا شكاند كە 29 یارییە لەسەر یەك لەو پاڵەوانیەتیەدا تووشی دۆڕان نەبووە.
🏁 @GranadaCF 0-4 @RealMadrid
⚽ 38' @Frangarcia_11
⚽ 45'+2' @10ardaguler
⚽ 49' @Brahim
⚽ 58' @Brahim#GranadaRealMadrid | #Emirates pic.twitter.com/bPh7Hw8fRa— Real Madrid C.F. (@realmadrid) May 11, 2024
پێشتر و لە وەرزی 1989/1990 ریال مەدرید توانی 28 یاری لەسەر یەك تووشی دۆڕان نەبێت.
كۆتا شكستی تیمەكەی كارلۆ ئانچێلۆتی دەگەڕێتەوە بۆ 24ی مانگی ئەیلوولی ساڵی رابردوو كاتێك بەرامبەر ئاتلێتیكۆ مەدرید شكستیان هێنا.
یانە شاهانەكە بە كۆكردنەوەی 90 خاڵ پێشەنگی ریزبەندی لالیگای گرتووە و بە شێوەیەكی فەرمی و بۆ جاری 36 لە مێژوویدا نازناوی خولی ئیسپانیای بردەوە.
