یاریگا –
ماوریسۆ پۆچەتینۆ بە ناراستەوخۆ پەیامی بە گوێ کارگێڕی یانەکەدا دا بەوەی بڕیاری دەرکردن یاخود مانەوە تەنها لای ئەوان نییە، بەڵکو ویستی ئەویش لەم رووەوە ئەشێ جیاوازتر بێت.
چێڵسی بە راهێنەرایەتی پۆچەتینۆ یەکێک لە خراپترین وەرزەکانی خۆیان بەڕێ دەکەن، سەرباری ئەوەی نەیانتوانی هیچ نازناوێک ببنەوە، لە پرێمەرلیگیش بێهیوا بوونە لەبۆ گەیشتن بە چامپیۆنزلیگی وەەزی داهاتوو. هەر بۆیە بابەتی دوورخستنەوەی ئەو راهێنەرە، رۆژ دوای رۆژ زیاتر پەرە دەسێنێ. لە نوێترین لێدوانیدا لەو بارەیەوە، خودی راهێنەرەکە هاتە دەنگ و بە سکای سپۆرتسی وت
دوورم بخەنەوە لە کارەکەم، بەڵێ دەتوانن. بەڵام ئەوە تەنها لە دەستی ئەواندا نییە. رەنگە بشیانەوێ بمێنمەوە بەڵام لەوەیە من نەمەوێ. بۆیە دەبێت ڕێککەوتنێک بکەین لەو بارەیەوە.
دوای ئەزموونە دوورودرێژەکەی لەگەڵ تۆتنهام کە بۆ ماوەی پێنج ساڵ راهێنەریان بوو (2012-2019)، ماوریسۆ نەیتوانیوە جێی رەزامەندی ئەو یانانە بێت کە سەرپەرشتی کردوون. لەگەڵ پاریس دوای ساڵ و نیوێک جیا بوونەوە تا دواجار لە هاوینی 2023 چێڵسی پۆستی یانەکەیان پێبەخشی. ئەم هاوینە یەکەم ساڵی لە کۆی دوو ساڵی گرێبەستەکەی تەواو دەبێت.
پێش سێ هەفتە لە کۆتاییهاتنی پرێمەرلیگ، شینپۆشەکان لە پلەی حەوتەم دێن بە کۆکردنەوەی 54 خاڵ. هیوای ئەوان بردنەوەی بلیتی یۆرۆپالیگە کە ئێستا تۆتنهامی هاوشارییان بە 60 خاڵ لەو پێگەیەیە.
🚨🔵 Mauricio Pochettino: “They can sack me yes… but it’s not only up to them”.
“They might want me to stay, but… also if I don't want to stay, we need to have an agreement”, told Sky.pic.twitter.com/wPBAeHVIlg
— Fabrizio Romano (@FabrizioRomano) May 11, 2024
