یاریگا –
لە چەند رۆژی رابردوودا سەرچاوەکان لە ئینگلتەراوە ڕێكکەوتنی جولیان لۆپێتێگی و وێستهام یونایتدیان پشتڕاست کردەوە بۆ وەرگرتنی پۆستی راهێنەرایەتی یانەکە لە جێگەی داڤید مۆیس کە بەهۆی ئەنجامە خراپەکانی ئەم وەرزەوە چیتر بەردەوام نابن.
وێستهام لە پلەی نۆیەمی ریزبەندیە و لە کۆتا چوار یاریی تامی بردنەوەیان نەکردووە. بەپێچەوانەی وەرزی رابردووەوە کە توانیان بگەنە یۆرۆپالیگ و ئەم ساڵیش لەو پاڵەوانێتیە تا قۆناخی چارەکی کۆتایی گەیشتن.
ئەرکەکە بۆ لۆپێتێگی ئیسپانیش هەروا ئاسان نابێت، بەتایبەت کە یانە لەندەنییەکە بیر لە فرۆشتنی گرنگترین رەگەزەکانی دەکاتەوە لەوانە لوکاس پاکیتا و موحەمەد کودوس. بە گوێرەی زانیارییەکانی Football Insider, وێستهام چاوی لەوەیە لە فرۆشتنی ئەو دوو ئەستێرەیەی، بڕی 150 ملیۆنی دەستبکەوێت تا بیخاتە بەردەم راهێنەرە نوێیەکە و دەستکراوەی بکات بۆ بازاڕی گواستنەوەکان.
⚒ West Ham could sell Mohammed Kudus and Lucas Paqueta this summer to hand Julen Lopetegui a transfer 'war chest', as per reports
🔴 Liverpool have been linked with Kudus, while Man City remain on Paqueta's trail… #WHUFC https://t.co/qhUp33Gqsd
— TEAMtalk (@TEAMtalk) May 8, 2024
کودوسی غانی جێی گرنگیپێدانی لیڤەرپوولە و هەرچی پاکیتای بەرازیلیە ماوەیەکی زۆرە لەژێر رادارەکانی مان سیتیدایە.
ئەوەی وێستهامی تا ڕادەیەک ئاسوودە کردووە لەو نرخەی خستوویەتیە سەر ئەو دوو یاریزانە، خواستی هەردوو یانە گەورەکەی پرێمەرلیگ و توانا ماددییەکانیانە کە پێناچێت دوودڵبن لە ئەمانجەکانیان.
