یاریگا –
حەکیم زیاش نایەوێت بگەڕێتەوە بۆ چێڵسی کە ئێستا بە خواستن لە ریزەکانی گالاتەسەرای تورکیایە.
یاریزانە مەغریبیەکە هاوینی رابردوو دوای سێ وەرز یاریکردن بۆ بلووز بە خواستن نێردرایە ئەو یانە تورکییە بۆ ماوەی وەرزێک. بەڵام مەرجێک لە رێککەوتنەکەیدا هەیە کە ناچاریان بکات بە مانەوەی هەمیشەیی.
فابریزۆ رۆمانۆ شارەزای بازاڕی گواستنەوەکان بڵاوی کردووەتەوە کە زیاش ناگەڕێتەوە بۆ چێڵسی لە گالاتەسەرای دەمێنێتەوە وەک یاریزانی هەمیشەیی یانەکە.
🚨🟡🔴 Hakim Ziyech will not return to Chelsea as he’s staying to Galatasaray on permanent move.
Obligation to buy clause, triggered and signed as Chelsea already sent letter to Gala confirming the agreement. pic.twitter.com/AAk8WHL3k2
— Fabrizio Romano (@FabrizioRomano) May 8, 2024
یاریزانە 31 ساڵانەکە ئاستی خۆی دۆزیوەتەوە لە تورکیا. لە 16 یاری خولی ئەو وڵاتەدا شەش گۆڵ و سێ ئەسیستی هەیە. لە چامپیۆنزلیگیش لە تەنها پێنج یاریدا تا کرانەدەرەوەیان توانیبووی دو گۆڵ بکات و یەکێکیش دروست بکات.
