یاریگا –
دوو یاریزانی ئارسیناڵ بوونەتە ئامانجی یانەکانی دەرەوەی پێنج خولە گەورەکە، بەڵکو دەرەوەی ئەوروپایش. رەنگە جۆر و بڕی دەستەوارەکە لە پاڵ هۆکارەکانیتر، کارگێڕی گەنەرز ناچار بە فرۆشتنیان بکات.
بەپێی زانیارییەکانی رۆژنامەی دەیلی ئیکسپرێسی بەریتانی، هەردوو یاریزان گابرێل خیسۆس و تۆماس پارتی خراونەتە ژێر راداری سعودیەکانەوە و “گرێبەستی دڵخواز”یان بۆ ئامادە کراوە تا هاوین بیانگوازنەوە بۆ خولی وڵاتە خەلیجیەکە.
🚨 Thomas Partey and Gabriel Jesus are said to be on the radar of several clubs in Saudi Arabia with lucrative contracts being lined up for the Arsenal duo.
(Source: Express) pic.twitter.com/ysjLEwrnis
— Transfer News Live (@DeadlineDayLive) May 6, 2024
سەرچاوەکە ناوی هیچ یانەیەکی سعودی نەهێناوە، بەڵام ئاشکرای کردووە کە بەرپرسانی وەرزشی ئەو وڵاتە پلانیان بۆ ئامانجەکانیان داناوە.
هێرشبەرە بەرازیلیەکە، کە ساڵی 2022 بە بڕی 22 ملیۆن پاوەند لە مانچێسترە سیتیەوە گواسترایەوە باکووری لەندەن، لەم وەرزە لە کۆی 25 یاری توانیویەتی تەنها چوار گۆڵ تۆمار بکات. هەرچی یانەکەشیەتی دەیەوێت بۆ وەرزی داهاتوو هێرشبەرێکی ژمارە 9 بگوازێتەوە.
هەرچی تۆماس پارتیە، بەهۆی زنجیرە پێکانەکانیەوە ئەم وەرزە تەنها 12 یاریی کردووە و کۆتا ساڵی گرێبەستەکشیەتی لەگەڵ یانە لەندەنیەکە.
بەوەش پاڵنەرەکان بۆ دەستکەوتی ماددی لە فرۆشتنیان بەتایبەتیش کە لایەنی خوازیار سعودیە پارەدارەکانن هەروەها پێویستی بە هێنانی یاریزانی نوێ بۆ تۆکمەترکردنی تیمەکەی میکێل ئارتێتا، رەنگە بەرپرسانی تۆپچیەکان زۆر دوودڵ نەبن لە دەستبەرداربوونی ئەو دوو یاریزانەی.
