یاریگا –
بایرن میونشنی ئەڵمانی توانی لە دوا دانوستاندنەکانیان لەگەڵ تیۆ هێرناندێز، بەرگریکارەکەی میلان رێک بکەون و بەڵێی لێوەربگرن.
بایرن کە چەند ساڵێک لەمەوبەر لوکاس هێرناندێزی برای تیۆی بە بڕی 80 ملیۆن یۆرۆ لە ئەتلەتیکۆ مەدریدەوە گواستەوە، بەڵام ئەو یاریزانە هەرگیز لە ئاست چاوەڕوانییەکاندا نەبوو، ئێستا بەنیازە تیۆ بۆ پێکهاتەکەی زیاد بکات. بەرگریکارە چەپەکەی میلان کە تەنها یەک ساڵ لە گرێبەستەکەیدا ماوە، تا ئێستا وەڵامی بۆ درێژکردنەوەی گرێبەستەکەی لەگەڵ میلان نەداوەتەوە.
بەگوێرەی سەرچاوە ئەڵمانییەکان، دانوستانەکانی بایرن لەگەڵ تیۆ زۆر باش بوون و ئەم یانەیە توانی وەڵامێکی ئەرێنی لێ وەربگرێت، ئێستاش تەنها دانوستان لەگەڵ میلان پێویستە بکرێت.
🔴 Theo Hernandez aurait DIT OUI pour REJOINDRE le Bayern Munich cet été ! 👀🇫🇷
Il devrait remplacer Alphonso Davies, en partance pour Madrid.
🗞️ @mundodeportivo pic.twitter.com/FpPFDscdpt
— Vibes Foot (@VibesFoot) May 6, 2024
گواستنەوەی تیۆ بۆ بایرن رێگە بۆ رۆیشتنی ئەلفۆنسۆ دەیڤز بۆ ریال خۆش دەکات. لەم دواییانەدا ماکس ئیبەرلی بەڕێوەبەری وەرزشی بایرن بە دڵنیاییەوە رایگەیاند کە ریال هیچ ئۆفەرێکی بۆ ئەلفۆنسۆ ونەناردووە، بەڵام راستییەکە ئەوەیە کە دانوستاندنی مەدریدیەکان لەگەڵ ئەلفۆنسۆ تەواو بووە و لە کۆتایی ئەم وەرزەدا ئۆفەرێکی فەرمی پێشکەش بە بایرن دەکەن.
بایرن لەدوای هەواڵەکانی رۆیشتنی ئەلفۆنسۆ هەوڵەکانی بۆ دۆزینەوەی باشترین جێگرەوە دەستپێکرد و دواجار لەگەڵ تیۆ گەیشتە رێککەوتن.
