📽️ | کەین درێسی نوێی میونشنی نمایشکرد
یاریگا –
چەند خولەکێک لەمەوبەر بایرن میونشن لە پێگەی فەرمی خۆی وێنەی درێسی یەکەمی وەرزی داهاتووی بایرن میونشنی بڵاو کردەوە.
لە کاتێکدا هێشتا یارییەکانی وەرزی 2023/2024 کۆتایی نەهاتووە، پێدەچێت وردە وردە چاوەڕێی بڵاوبوونەوەی درێسە نوێیەکانی تیپە گەورەکانی ئەوروپا و هاوکاری سەرنجڕاکێشیان لەگەڵ کۆمپانیا گەورە و ناسراوەکانی بەرهەمهێنانی جلوبەرگی وەرزشی بکەین.
بایرن میونشن یەکێکە لەو یانانەی کە زۆر زوو هەموو ساڵێک پەردە لەسەر درێسە نوێیەکەی بۆ وەرزی داهاتوو لادەبات، ئەمساڵیش پابەند بووە بەو نەریتە و بە هاوکاری ئەدیداس پێش کۆتایی هاتنی وەرزی ئێستا ئەم وێنانەی بڵاوکردۆتەوە، لە لایەن خەڵکەوەش پێشوازی باشی لێکرا.
ئەم درێسە هەمووی سوورە، و دەگوترێت بۆ یەکەمجار لە مێژووی ئەم یانەیەدا سێ سێبەری جیاوازی سوور لە درێسی یەکەمی بایرن بەکارهێنراوە کە ئاماژەیە بۆ ناسنامە و هەست و رووداو و وروژاندن لە هەر یارییەکدا.
#Advertisement | ALL IN RED 🔴
Introducing the new 24/25 FC Bayern Munich Home Jersey. Available Now:
🔗 https://t.co/R8CkNmfZWV#MiaSanMia pic.twitter.com/DeQZbZQ4Ky
— FC Bayern Munich (@FCBayernEN) May 6, 2024
پێدەچێت هۆکاری سەرەکی ئەم هەڵبژاردنە بۆ دروستکردنی جۆرێک لە یەکڕیزی بێت لەنێوان یاریزانان و ئەو هاندەرانەی کە لە یاریگاکاندا ئامادەن بۆ پشتگیریکردنی ئەم تیپە و بەزۆری رەنگی سوور بەکاردەهێنن بۆ یەکخستنی ئەلیانز ئارێنا.
یاریزانانی بایرن بڕیارە بۆ یەکەمجار ئەم درێسە لە یارییەکەی بەرامبەر ڤۆڵفسبۆرگ کە یەکشەممەی داهاتوو بەڕێوەدەچێت بپۆشن.
