پێرێز داوای لە یاریزانێکی ریال مەدرید کردووە دوو گۆڵ لە بایرن میونشن بکات

یاریگا –

پێرێز دوای بەدەستهێنانی نازناوی لالیگا داوای لە یاریزانێکی ریال مەدرید کردووە دوو گۆڵ لە بایرن میونشن بکات.

ماڵپەڕی دێڤینسا سێنتڕاڵی ئیسپانی ئاشکرایکردووە، فلۆرێنتینۆ پێرێز سەرۆکی یانەی ریال مەدریدی ئیسپانی دوای بردنەوەکەیان بەرامبەر کادێز کە بووە هۆی ئەوەی نازناوی ئەم وەرزەی لالیگا مسۆگەر بکەن، چووەتە ژووری جلگۆڕین و لە نزیکەوە قسەی لەگەڵ یاریزانەکان کردووە.

پێرێز بۆ ئەوەی هانی یاریزانەکان بدات و بۆ یارییەکەی بایرن میونشن پشتگیرییان بکات، لە نزیکەوە لەگەڵ یاریزانەکان قسەی کردووە و بە ڤینیسیۆس جۆنیۆری گوتووە :’پێویستە تۆ بەلایەنی کەم لە یاریی بایرن میونشن دوو گۆڵ بکەی، ئەی وانییە؟’.

ڤینی لە یاریی چوونی پێش کۆتایی چامپیۆنزلیگ بەرامبەر بایرن میونشن لەناو ئالیانز ئارینا دوو گۆڵ کرد کە هەردوولا 2-2 یەکسانبوون، رۆژی چوارشەممە لەناو یاریگای سانتیاگۆ بێرنابیۆ لە یاریی گەڕانەوە بەیەک دەگەن.