یاریگا –
ڤینیسیۆس جۆنیۆر دوای بەدەستهێنانی نازناوی لالیگا لە پلاتفۆڕمی X توانجی لە یاریزانێکی بارسێلۆنا داوە و وەڵامی قسەیەکی داوەتەوە.
دوای ئەوەی ڤینیسیۆس جۆنیۆر لەگەڵ ریال مەدرید نازناوی ئەم وەرزەی لالیگایان مسۆگەرکرد و مەدریدییەکان بۆ جاری سی و شەشەمین بوونە پاڵەوانی خولەکە، ڤینی لە هەژماری خۆی لە پلاتفۆڕمی X تویتێکی بڵاوکردووەتەوە کە ژمارەی نازناوەکانی یاریزانەکانی ریال مەدریدی لە لالیگا بڵاوکردووەتەوە.
هێرشبەرە بەڕازیلییەکە کە هاوشانی فێدریکۆ ڤالڤێردی 11 نازناوی لالیگایان بەدەستهێناوە، لەبارەی تویتەکە نووسیویەتی :’سەردەمێکی نوێ’، وەکو توانجێک بۆ لێدوانێکی پێشووی رۆناڵد ئاراوخۆ بەرگریکاری بارسێلۆنا کە دوای بەدەستهێنانی جامی سوپەری ئیسپانیا لە سعوودیە گوتبووی :’ئەمە دەستپێکی سەردەمێکی نوێیە’، وەکو هێمایەک بۆ باڵادەستبوونەوەی بارسێلۆنا لە ئیسپانیا.
La nueva era 👀 https://t.co/PP2Kday5Rg
— Vini Jr. (@vinijr) May 4, 2024
ریال مەدرید لە دوایین پێنج وەرزدا سێ جار نازناوی لالیگای بەدەستهێناوە و بارسێلۆنا و ئاتلێتیکۆ مەدریدیش جارێک بوونەتە پاڵەوان، کە ریال مەدرید لەم وەرزە چوار گەڕ زووتر نازناوەکەی یەکلاکردەوە و لە پێشەنگی لالیگا بووە خاوەنی 87 خاڵ.
