یاریگا –
ئیدواردۆ كاماڤینگا، ئەستێرەی لاوی هەڵبژاردەی فەڕەنسا و یانەی ریال مەدریدی ئیسپانی ریكۆردێكی مێژووی لەگەڵ یانە شاهانەكە تۆماركرد.
شەوی رابردوو دوای بردنەوەی ریال مەدرید لە كادێز و دۆڕانی بارسێلۆنا بەرامبەر جیڕۆنا، بەشێوەیەكی فەرمی تیمەكەی كارلۆ ئانچێلۆتی بوون بە پاڵەوانی ئەم وەرزەی لالیگای ئیسپانیا.
🙌 ¡SOMOS LOS CAMPEONES DE LALIGA 2023/24! 🙌 pic.twitter.com/jSGlGbooKv
— Real Madrid C.F. (@realmadrid) May 4, 2024
یانە شاهانەكە پێش چوار هەفتە لە كۆتاییهاتنی خولەكە توانی بۆ جاری 36 لە مێژوویدا ببێتە پاڵەوانی خولی ئیسپانیا.
بە بردنەوەی نازناوی لالیگا ئیدواردۆ كاماڤینگا بوو بە بچووكترین یاریزان بتوانێت 8 نازناو لەگەڵ ریال مەدریش بەدەستبهێنێت.
لاوە فەڕەنسیەكە لە تەمەنی 21 ساڵ و 176 رۆژ توانیویەتی دوو جار نازناوی لالیگا و سوپەری ئیسپانیا، چامپیۆنزلیگ، جامی سوپەری ئەوروپا، جامی جیهانی یانەكان، جامی شا جارێك بەدەست بهێنێت.
🚨 𝐎𝐅𝐅𝐈𝐂𝐈𝐀𝐋: Eduardo Camavinga wins his 8th trophy at Real Madrid.
Only 21 years old. pic.twitter.com/oD05Z5ZLbZ
— Madrid Zone (@theMadridZone) May 4, 2024
لە گواستنەوەكانی هاوینی ساڵی 2021 كاماڤینگا لە رێنی فەڕەنسیەوە بە بەهای 31 ملیۆن یۆرۆ پەیوەندی بە یانە شاهانەكەوە كرد.
لەم وەرزەی لالیگادا ناوەڕاستكارە فەڕەنسیەكە بەشداری لە 27 یاری كردووە و توانیویەتی گۆڵێك درووست بكات.
