یاریگا –
ئیسپانیا شەوێکی مێژوویی بەڕێ کرد کاتێک چاوەکان لەسەر دێربی کەتەلۆنیا بوون و یاریی جیرۆنا و بارسێلۆنای میوانی بەڕێوە چوو.
یارییەک، ئەنجامەکەی بە یەکسانبوونیش مەدالیای پاڵەوانبوونی لە یەخەی ریاڵ مەدرید دەدا کاتێک شاهانەکان پێش ئەم یارییە بە سێ گۆڵی خاوێن کادێزیان تووشی شکست کرد.
مەدریدیەکان چاوەڕێی تەنها خاڵێکیان لە جێرۆنا دەکرد کە لە بلاوگرانای بفڕێنێت و ئەوان لە پایتەختەوە ئاهەنگەکە بگێڕن، بەڵام چاکەی کوڕانی میگێل سانچێز لەوەیش گەورەتر بوو. ئەوان توانیان هاوشێوەی یاریی یەکەمی ئەم وەرزەیان جارێکیتر بە چوارینەیەکیتر 4-2 تیمەکەی چاڤی هێرناندێز شەرمەزار بکەنەوە.
بەو ئەنجامەیش، ریاڵ مەدرید بۆ جاری 36هەم لە مێژووی خۆیاندا تاجی پاڵەوانبوونیان لەسەر نا. بەڵام ئەمجارە پێش چوار هەفتە و بە خەڵاتێکی لەبیرنەکراو لە یانەیەکی هەرێمی کەتەلۆنیاوە.
هەر بەو بردنەوەیە، جیرۆنا خۆی گەیاندەوە پلەی دووەم و بە فەرمی کورسیەکی چامپیۆنزلیگی وەرزی داهاتوویشیان مسۆگەر کرد.
𝐆𝐈𝐑𝐎𝐍𝐀, 𝐂𝐇𝐀𝐌𝐏𝐈𝐎𝐍𝐒’ 𝐓𝐄𝐑𝐑𝐈𝐓𝐎𝐑𝐘 ✨🇪🇺 pic.twitter.com/0UXV5PLPp8
— Girona FC (@GironaFC_Engl) May 4, 2024
