یاریگا –
مانچێستەر یونایتد ئەستێرەیەکی یوڤێنتوسی بە ئامانج گرتووە بۆ گواستنەوەکانی هاوین و بۆ ئەو مەبەستەیش لە ئێستاوە پەیوەندی بە بریکارەکەیەوە کردووە.
ئادریان رابیۆ، کە ئەم هاوینە گرێبەستەکەی لەگەڵ خانمە پیرەکە بەسەر دەچێت، بە گوێرەی زانیارییەکانی ماڵپەڕی TEAMtalk لە مانچێستەرەوە خواستی لەسەرە و یانە ئینگلیزیەکە دەیەوێت وەک یاریزانێکی ئازاد بیگوازێتەوە ئۆڵدترافۆرد. بۆ ئەمەیش پەیوەندی بە دایکی ناوبراوەوە کردووە کە هاوکات بریکاری کارەکانیەتی.
🚨 Manchester United have made contact with the agent of Adrien Rabiot, whose contract at Juventus runs out this summer.
(Source: @TEAMtalk ) pic.twitter.com/fnUVCIHp1g
— Transfer News Live (@DeadlineDayLive) May 4, 2024
یوڤی تا ئێستا ئاماژەیکی ڕوونی نەداوەتە یاریزانە فەرەنسیەکەی بۆ نوێکردنەوەی گرێبەستەکەی. هەر بۆیە دایکی ئادریان دەیەوێت لە ئێستاوە کار بکات بۆ دۆزینەوەی یانەی داهاتووی کوڕەکەی.
هەمان سەرچاوە ئەوەشی ئاشکرا کردووە کە راهێنەری چاوەڕوانکراوی نوێی بیانکۆنێری رەنگە کاریگەریی هەبێت لەسەر رابیۆ بۆ مانەوە، بەڵام بڕیاری ناوەڕاستکارەکە زیاتر بابەتی داراییە وەک لە هەر شتێکیتر.
رابیۆ ساڵی 2019 لە پاریس سان جێرمانەوە گواسترایەوە یانەکەی شاری تورین. پێشتر خەونی خۆی نەشاردووەتەوە بۆ یاریکردن لە پرێمەرلیگ.
دەگوترێت جگە لە مان یو، یانەکانی وەک پاریس، بارسێلۆنا و بایەرن میونشن هەمان خواستیان هەیە.
