یاریگا –
راتکیف خاوەنە نوێیەکەی مانچێستەر یونایتد دوای یەکەم سەردانی بۆ دامەزراوە و بەشەکانی مانچێستەر یونایتد، هۆشدارییەکی توندی بە کارمەندانی یانەکە داوە و بە ئیمەیلێک گلەیی پیس و پۆخڵی شوێنەکانی لێ کردوون.
ماڵپەڕی زە ئەتلەتیکی بەریتانی ئاشکرایکردووە، جیم راتکیف خاوەنە نوێیەکەی مانچێستەر یونایتد کە بەمدواییانە بەشێکی پشکەکانی یانەکەی کڕییەوە، دوای ئەوەی لە نزیکەوە سەردانی بەشە جیاوازەکانی یاریگای ئۆڵدترافۆرد و یاریگای راهێنانەکانی کارینگتۆنی کردووە، ئێوارەی رۆژی هەینی لە ئیمەیلێکیدا گلەیی پاک و خاوێنی لە زۆربەی بەشەکانی دامەزراوەکان و باڵەخانەکانی یانەکەی کردووە، تەنانەت بەشی تەکنەلۆژیای لە رووی خاوێنییەوە بە عەیبەیەکی گەورە داناوە.
Sir Jim Ratcliffe has sent an email to all Manchester United staff to highlight the lack of tidiness in parts that he witnessed of the club’s Old Trafford stadium and Carrington training facilities, describing one area as a “disgrace”.
Full story from @AdamCrafton_ ⤵️
— The Athletic | Football (@TheAthleticFC) May 3, 2024
راتکیف لە ئیمەیلەکەیدا کە ئاڕاستەی کارمەندانی یانەکەی کردووە، گلەیی لە خاوێنی ژووری جلگۆڕینی تیپەکانی ژێر 18 ساڵان و 21 ساڵانیش کردووە، بە کارمەندەکانی راگەیاندووە پیس و پۆخڵی ئەو شوێنانە وادەکات خەڵکی هەڵسەنگاندنێکی دروستیان بۆ یانەکە نەبێت و باوک و دایکی یاریزانە ئاست تەمەنە جیاوازەکان منداڵەکانیان نەهێننە یانەکە و گرێبەستی لەگەڵ واژۆ نەکەن.
ماڵپەڕی زە ئەتلەتیک ئاشکرایکردووە، بەشێک لە کارمەندەکان بەهۆی ئیمەیلەکەی راتکیف تووشی شۆک بووینە، تەنانەت بەشێکیان وەڵامیشیان داوەتەوە و بەکارهێنانی بەشێک لە دەستەواژەکانیان بە زیادەڕۆییکردن لێکداوەتەوە.
لە دیسەمبەری 2023، بەهۆی پێشکەشکردنی خواردنی خراپ لە یەکێک لە بۆنەکان، پۆڵێنی چێشتخانەکەی یاریگای ئۆڵدترافۆرد لە پێنج ئەستێرەوە بۆ یەک ئەستێرە هێنرایە خوارەوە.
