فەرمی؛ گۆڕانکارییەکی گەورە لە یۆرۆی 2024 دەکرێت

یاریگا –

بەفەرمی یەکێتی تۆپی پێی ئەوروپا گۆڕانکارییەکی گەورەی لە جامی نەتەوەکانی ئەوروپای 2024 راگەیاند.

کەمێک لەمەوبەر، هەژماری فەرمی جامی نەتەوەکانی ئەوروپا لە پلاتفۆڕمی ئێکس بڵاویکردەوە، بەفەرمی لە یۆرۆی 2024 هەر هەڵبژاردەیەک دەتوانێت 26 یاریزان بانگهێشت بکات.

ئەمەش لەکاتێکدایە کە لە وەشانی رابردووی پاڵەوانێتییەکە هەڵبژاردەکان بۆیان هەبوو 23 یاریان بانگهێشت بکەن. بەڵام لەم وەشانە هەڵبژاردەکان بۆیان هەیە سێ یاریزان زیاتر بانگهێشت بکەن.

زیادکردنی 3 یاریزان بۆ لیستی هەر هەڵبژاردەیەک هاوکاری راهێنەران دەکات تا لیستێکی تۆکمەتر ئامادە بکەن، چانسیش بەو یاریزانە ئاست بەرزانە دەبەخشێت، کە بەهۆی بەهێزی رکابەرەکانیان دەرفەتی بانگهێشتکرانیان کەمبووە.

جامی نەتەوەکانی 2024 لە هاوینی داهاتوو لە وڵاتی ئەڵمانیا بەڕێوەدەچێت، 24 هەڵبژاردە بەشداری دەکەن و دابەشکراون بەسەر شەش کۆمەڵەی جیاوازدا.

لە 14/6 بە یاری نێوان هەڵبژاردەی ئەڵمانیا و هەڵبژاردەی سکۆتلەندا لە کاتژمێر 22:00 بەکاتی هەولێر، پاڵەوانێتییەکە دەستپێدەکات.

🏆 The maximum squad size for #EURO2024 teams has been increased from the original quota of 23 to 26 players.

🗓️ Teams must provide a squad list containing between 23 and 26 players by 7 June. pic.twitter.com/htXBffbNjX

— UEFA (@UEFA) May 3, 2024