یاریگا –
ماڵپەڕی ریلیڤۆ هۆکارەکانی دابەزینی ئاستی بێڵینگهامی لە یارییەکانی ئەمدواییەی ریال مەدرید ئاشکراکردووە و سێ هۆکاری بە کاریگەر بۆ دابەزینی ئاستی بێڵینگهام لێکداوەتەوە.
ماڵپەڕە ئیسپانییەکە ئاشکرایکردووە، ئەو پێکانەی لە ئەژنۆی لە مانگی فێبرایەر لە یاریی بەرامبەر جیرۆنا تووشی بوو، هۆکاری سەرەکی دابەزینی ئاستی ناوەڕاستکارە ئینگلیزییەکە بوو، لەوکاتەوە بێڵێنگهام نەگەڕاوەتەوە ئاستی خۆی کە ئەوکات بۆ ماوەی دوو هەفتە لە یاریگاکان دابڕا.
کارتە سوورەکەی بەرامبەر ڤالێنسیا لە یاریگای مێستایا هۆکارێکی دیکە بوو بۆ دابەزینی ئاستی بێڵێنگهام، بەهۆی ئەوەی گۆڵێکی رەتکرایەوە ئەو یاریزانە ئینگلیزییە بە کارتی سوور کرایە دەرەوە و فشارێکی زۆری لەسەر دروستبوو.
ئەو ڤایرۆسەی هەفتەی رابردوو تووشی بوو، هۆکارێکی دیکەیە بۆ دابەزینی ئاستی بێڵی، کە بووە هۆی ئەوەی ئەو یاریزانە 20 ساڵانە لە یاریی بەرامبەر بایرن میونشن لە ئاستی خۆی نەبێت و لە نیوەی دووەم لەلایەن کارلۆ ئەنچیلۆتییەوە هێنرایە دەرەوە.
بێڵینگهام لەم وەرزە لە سەرجەم پاڵەوانێتییەکان لەگەڵ ریال مەدرید لە 37 یاری 21 گۆڵ و 10 ئەسیستی کردووە.
