یاریگا –
یانەی ئیتیحادی سعودی لە بەیاننامەیەكی فەرمیدا رایگەیاند، كەریم بێنزێمای فەڕەنسی و هێرشبەری یانەكەی، پێشكەش بە ستافی پزیشكی یانەی ریال مەدریدی ئیسپانی كرا.
لە ماوەی رابردوودا كەریم بێنزێما تووشی پێكانێك هات و بەهۆیەوە نەیتوانی لە یارییەكانی ئیتیحاد بەشداری بكات.
لە قۆناخی پێش كۆتایی جامی شای سعودیە ئیتیحاد رووبەڕووی هیلال بوویەوە، یارییەكەش بە ئەنجامی دوو گۆڵ بەرامبەر گۆڵێك لە بەرژەوەندی هیلال كۆتایی هات.
📝| بعد التنسيق بين الجهاز الطبي في الناديين، بنزيما يعرض إصابته على طبيب ريال مدريد pic.twitter.com/J38NnzinCK
— نادي الاتحاد السعودي (@ittihad) May 1, 2024
هەژماری فەرمی ئیتیحاد لە پلاتفۆرمی ئێكس بەیاننامەیەكی فەرمی دەربارەی پێكانەكەی بێنزێما بڵاوكردەوە:
لە ژێر ئەو رۆشناییەی لە نێوان ستافی پزیشكی تیمی یەكەمی تۆپی پێی یانەكە و ستافی پزیشكی ریال مەدریددا هەیە، گفتوگۆیان لەسەر پێكانەكەی كەریم بێنزێما كرد. كە بوویە هۆی ئامادەنەبوونی لە یارییە گرنگەكانی ئەم وەرزەدا.
رێككەوتن لەسەر ئەوە كراوە كە یاریزانەكە لە كلینیكی ریال مەدرید لە پایتەختی ئیسپانیا پشكنینی زیاتری لەلایەن ئەو پزیشكەی لە ماوەی ساڵانی رابردوودا سەرپەرشتی یاریزانەكەی كردووە بۆ بكرێت.
بۆ ئەو مەبەستە بێنزێما بەرەو ئیسپانیا گەشتی كردووە و هەفتەی داهاتووش دەگەڕێتەوە سعودیە.
لەم وەرزەی خولی رۆشنی سعودیدا كەریم بێنزێما بەشداری لە 21 یاری كردووە و توانیویەتی نۆ گۆڵ بكات و حەوت گۆڵیش دروست بكات.
