یاریگا –
جگە لە گواستنەوەی یاریزانان خەریکە گواستنەوەی پزیشکانیش لە نێوان یانەکان دروست دەبێت، پزیشکێک لە یانەی ئێنتراخت فرانکفۆرتی ئەڵمانییەوە بەرامبەر 250 هەزار یۆرۆ پەیوەندی بە یانەی برایتنی ئینگلیزییەوە کرد.
رۆژنامەی بێلدی ئەڵمانی ئاشکرایکردووە، فلۆریان پفاب پزیشکی 48 ساڵانی ئێنتراخت فرانکفۆرتی ئەڵمانی بەرامبەر 250 هەزار یۆرۆ پەیوەندی بە یانەی برایتنی ئینگلیزییەوە کرد و دەبێتە سەرۆکی دەستەی پزیشکی یانەکەی پرێمەرلیگ، کە بەهۆی کارەکانی ئەو پزیشکە ئێنتراخت فرانکفۆرت بەهۆی کەمی ژمارەی پێکانەکانی یاریزانانی ناوبانگی پەیدا کردبوو.
Umstrukturierung der Medizinischen Abteilung 👨⚕️
Florian Pfab verlässt die Eintracht nach fünf Jahren, Christian Haser übernimmt die Leitung der Medizinischen Abteilung. Fabian Plachel wird Leitender Mannschaftsarzt.
ℹ️ https://t.co/LgIlFhoIux#SGE pic.twitter.com/J8JctE1dI2
— Eintracht Frankfurt (@Eintracht) April 30, 2024
هاوشێوەی راگەیاندنی گرێبەستی یاریزانەکانیان، هەردوو یانەکە گرێبەستی پزیشکەکەیان راگەیاندووە، یانە ئەڵمانییەکە لە پلاتفۆرمی X رۆیشتنی پزیشکە تایبەتەکەی راگەیاندووە کە لەوەتەی ساڵی 2019 لەو یانەیە کار دەکات و ئاشکرایکردووە کۆتایی ئەم وەرزە پفاب یانەکەیان بەجێدەهێڵێت.
We are pleased to announce the forthcoming appointments of Professor Doctor Florian Pfab as the club's new head of medicine and Doctor Gary Walker as our new head of performance.
Both will start their new roles with us in the summer, ahead of pre-season for the 24/25 season. 🤝
— Brighton & Hove Albion (@OfficialBHAFC) April 30, 2024
برایتن بە هەمان شێوە گواستنەوەی پزیشکە تایبەتەکەی یانە ئەڵمانییەکەی بۆ ریزەکانی راگەیاندووە و ئاشکرایکردووە پرۆفیسۆر پفاب دوای کۆتایی هاتنی ئەم وەرزە پێش دەستپێکی قۆناخی ئامادەکاریی یانەکەیان بۆ وەرزی نوێ ئەو پزیشکە پەیوەندی بە یانەکەیانەوە دەکات.
