ڤینیسیۆس جونیۆر باس لە یەكسان بوونەكەیان بەرامبەر بایرن دەكات
یاریگا –
ڤینیسیۆس جونیۆر، ئەستێرەی هەڵبژاردەی بەڕازیل و یانەی ریال مەدریدی ئیسپانی باس لە یەكسان بوونەكەیان بەرامبەر بایرن میونشن دەكات.
شەوی رابردوو بایرن میونشن لە یاریگای ئالیانز ئارێنای تایبەت بە خۆی میوانداری ریال مەدریدی كرد و یارییەكەش بە ئەنجامی دوو گۆڵ بۆ هەردوولا كۆتایی هات، لە میانی یاری چوونی قۆناخی پێش كۆتایی خولی یانە پاڵەوانەكانی ئەوروپا.
هەردوو گۆڵەكەی مەدرید لە لایەن ڤینیسیۆس جونیۆر لە خولەكەكانی 24 و 83 تۆمار كران.
🏁 @FCBayernES 2-2 @RealMadrid
⚽ 24' @ViniJr
⚽ 53' Leroy Sané
⚽ 57' Harry Kane (p.)
⚽ 83' @ViniJr (p.)#UCL pic.twitter.com/MjLjj6w1Zd— Real Madrid C.F. (@realmadrid) April 30, 2024
لە دوای یارییەكە ڤینیسیۆس گوتی:
هەمیشە دەمانەوێت بردنەوە بەدەست بهێنین، هەردوو یانەكە كوالێتییەكی بەرزیان هەیە، بۆیە هەرگیز ئاسان نییە، ئێستا دەبێت تا هەفتەی داهاتوو پشوو بدەین، دەزانین لەگەڵ هاندەران هەموو هەوڵێك دەدەین تا بگەینە یاری كۆتایی.
دەربارەی ئەسیستەكەی كروس گوتی:
تۆنی هەمیشە هەموو شتێك زۆر ئاسان دەكات، گۆڵێكی نایابی پێبەخشیم، پێكەوە زۆر راهێنانمان كردووە، زۆر باش یەكتر دەناسین، كاتی ئەوە هاتووە شەوێكی ئەفسوناویی لە یاریگای خۆمان بەسەر ببەین.
چاوەڕوان دەكرێت رۆژی چوارشەممەی داهاتوو ریال مەدرید لە یاریگای سانتیاگۆ بێرنابیۆی تایبەت بە خۆی میوانداری بایرن میونشن بكات، لە میانی یاری گەڕانەوەی قۆناخی پێش كۆتایی خولی یانە پاڵەوانەكانی ئەوروپا.
