لیڤەرپوول بە چ موعجیزەیەک دەتوانێت نازناوی پرێمەرلیگ بەدەست بهێنێت؟

یاریگا –

زۆر کەس باوەڕیان وایە لیڤەرپوول چیتر چانسی بردنەوەی پرێمەرلیگی نییە، بەڵام ئەوە تۆپی پێیە و دەیان موعجیزەی باوەڕپێنەکراو تیایدا روودەدات.

دوای دەرئەنجامە نالەبارەکانی یارییەکانی ئەم دواییە، خوێندکارەکانی کلۆپ لە شەڕی پاڵەوانێتیدا کەمێک پاشەکشەیان کرد. ئێستا ئارسیناڵ و مانچێستەر سیتی بەربژێری سەرەکی بردنەوەی نازناوەکەن.

پێدەچێت شەڕی نازناوی پرێمەرلیگ لە وەرزی 2023/2024 شەڕی نێوان دوو یانە بێت. بەڵام تیپی سێیەمیش هەیە کە لە رووی بیرکارییەوە هێشتا چانسی بەدەستهێنانی گرنگترین نازناو لە تۆپی پێی ئینگلیزیدا هەیە. هەرچەندە لیڤەرپوول دوورە لە ئارسینال و مانچێستەر سیتی، بەڵام چاویان لە موعجیزەیەکی راستەقینەیە لە دوا وەرزی یۆرگن کلۆپ و دوا سێ یاریی دا.

یانەی سوور پۆشەکان دوای دوو ئەنجامی خراپ (دۆڕان بەرامبەر ئێڤەرتۆن و یەکسانبوون بەرامبەر وێستهام) بۆ پلەی سێیەم دابەزین. لە کاتێکدا 3 یاری لە خولی ئینگلیزی ماوە (سیتی یەک یاری دواخراوی تری هەیە)، لویس دیاز و هاوڕێکانی هیچ چانسێکیان بۆ هەڵە کردن نییە. بردنەوەی سێ یاری و چاوەڕوانی کەوتنی دوو رکابەرەکەیان تاکە هیوای ئەوانە.

لیڤەرپوول لە مانگی ئایاردا خشتەیەکی سەختی هەیە، لەکاتێکدا روبەڕووی تۆتنهامی پلە پێنجەم و ئەستۆن ڤێلای چوارەم و وۆڵڤز دەبێتەوە. لە ئەگەری یەکسانبووندا جیاوازی گۆڵ سوودی بۆ ئەوان نییە.

خشتەی یارییەکانی ئارسیناڵ و سیتی و لیڤەرپوول بەم شێوەیەیە:

ئارسیناڵ:

مانچێستەر سیتی:

لیڤەرپوول:

تا ئێستا ئارسیناڵ بە کۆکردنەوەی 80 خاڵ لە پێشەنگی خولی ئینگلیزیدایە کە یەک خاڵ زیاترە لە تیپەکەی گواردیۆلا. لیڤەرپوڵ بە کۆکردنەوەی 75 خاڵ پلەی سێیەمی گرتووە.

لیڤەرپوول بۆ بردنەوەی پرێمەرلیگ پێویستی بە چییە؟

بە لەبەرچاوگرتنی جیاوازی ریزبەندییەکە، یاریزانانی یۆرگن کلۆپ دەبێت سێ یاریی داهاتوو ببەنە . بەم شێوەیە 84 خاڵ کۆ دەکەنەوە، پاشان پاڵەوانێتییەکە بەندە بە ئەنجامی دوو رکابەرەکەی ترەوە.

ئەگەر ریدز هەر 9 خاڵەکە بەدەست بهێنێت، ئەوا پێویستی بە ئارسیناڵ دەبێت بۆ ئەوەی لە سێ یارییەکەی دیکەدا دوو یاری بدۆڕێت و یاریەک بباتەوە، تاوەکوو خاڵەکانی ببنە 83 خاڵ. پێویستە بگوترێ، ئەگەر لیڤەرپوول لە خاڵەکاندا لەگەڵ تیپەکەی ئارتێتا یەکسان بێت، ئەوا سڵاح و هاوڕێکانی بەهۆی جیاوازی گۆڵەوە پاڵەوانێتییەکە لەدەست دەدەن.

جگە لەوەش مانچسێتەر سیتی نابێت تا کۆتایی وەرزی ئەمساڵ لە یەک یاری زیاتر بباتەوە (4 یاری تری ماوە) و دەبێت لانیکەم دوو شکستی هەبێت.

تەنانەت لیڤەرپوول ئەگەر لە کۆی ئەم 3 یارییە 2 یاری بباتەوە. لەم سیناریۆ گریمانەییەدا، ئارسیناڵ پێویستە هەموو یارییاکان بدۆڕێت و سیتی پێویستی بە تەنها یەک خاڵ دەبێت لە کۆی 12 خاڵی ئەگەری، تیپەکەی گواردیۆلا پێویستە یەک یەکسانبوون و سێ شکستی هەبێت.