گۆرێتزكا باس لە رووبەڕووبوونەوەی ریال مەدرید دەكات
یاریگا –
لیۆن گۆریتزكا، ئەستێرەی ئەڵمانی یانەی بایرن میونشنی هەمان وڵات باس لە رووبەڕووبوونەوەی ریال مەدرید دەكات.
وا بڕیارە سبەی سێشەممە كاتژمێر 22:00 بە كاتی كوردستان بایرن میونشن لە یاریگای ئالیانز ئارێنای تایبەت بە خۆی میوانداری ریال مەدرید بكات، لە میانی یاری چوونی قۆناخی پێش كۆتایی خولی یانە پاڵەوانەكانی ئەوروپا.
𝑳𝒆𝒈𝒆𝒏𝒅𝒂𝒓𝒚 𝑻𝒆𝒂𝒎𝒔. 𝑳𝒆𝒈𝒆𝒏𝒅𝒂𝒓𝒚 𝑮𝒂𝒎𝒆𝒔. 💫
2️⃣ Tage noch bis #FCBRMA! 🤩#MiaSanMia #FCBayern pic.twitter.com/VwI2JfHGDN
— FC Bayern München (@FCBayern) April 28, 2024
لە لێدوانێكی رۆژنامەوانیدا دەربارەی رووبەڕووبوونەوەی ریال مەدرید، گۆرێتزكا گوتی:
جێگای داخە كە یەكەم یاری لە یاریگای خۆمان ئەنجام دەدەین، بەڵام سەركەوتن لە یاریگای سانتیاگۆ بێرنابیۆ هەستێكی تایبەت دەبێت.
گومانی تێدا نییە دەبێت ئەوە بكەینە ئامانجی خۆمان، بە دڵنیاییەوە ئاسان نابێت، چونكە پەیوەستە بە وردەكارییە بچووكەكانەوە.
پێموایە وەك یاری بەرامبەر ئارسیناڵ، چەند قۆناخێك هەیە دەبێت بەسەریدا زاڵ بین، بەڵام یارییەكە جیاواز دەبێت لە یارییەكەی ئارسیناڵ، ریال مەدرید توانای تۆماركردنی گۆڵی هەیە بە بێ ئەوەی چانسی راستەقینەی گۆڵكردنی هەبێت، هەروەها یاریزانی گەورە و كوالێتی بەرزیان هەیە و ئەمەش دەبێتە ئاڵنگارییەكی گەورە.
لە قۆناخی چارەكی كۆتاییدا بایرن میونشن بە بردنەوە لە ئارسیناڵ و ریال مەدریدیش بە بردنەوە لە مانچێستەر سیتی خۆیان گەیاندە ئەو قۆناخە.
