یاریگا –
پێپ گواردیۆلا، راهێنەری ئیسپانی یانەی مانچێستەر سیتی ئینگلیزی پێكانی یەكێك لە ئەستێرەكانی یانەكەی و دووركەوتنەوەی تا كۆتایی وەرز لە یاریگاكان راگەیاند.
شەوی رابردوو نۆتینگهام فۆرێست لە یاریگای خۆیدا میوانداری مانچێستەر سیتی كرد و یارییەكەش بە ئەنجامی دوو گۆڵی بێ وەڵام لە بەرژەوەندی یانەی میوان كۆتایی هات، لە میانی یارییەكانی هەفتەی 35ی پرێمەرلیگ.
گۆڵەكانی سیتیزن لەلایەن یۆشكۆ ڤاردیۆڵ لە خولەكی 32 و ئێرلینگ هالاند لە خولەكی 71 تۆمار كران.
لە یارییەكەدا ئێدەرسن تووشی پێكان بوو بە هۆیەوە لە سەرەتایی گێمی دووەم یاریگای جێهێشت و ئۆرتیگا جێگای گرتەوە.
A hard-fought victory at Forest! 💪
Watch the highlights 👇 pic.twitter.com/1Sbv69EJ86
— Manchester City (@ManCity) April 28, 2024
لە دوای یارییەكە و لە لێدوانەكانیدا بۆ تۆڕی سكای سپۆرت، پێپ گواردیۆلا گوتی:
یارییەكە قورس بوو، بە یاریزانی خێرا و كوالێتی بەرز پەستانیان دەخستە سەرمان.
بردنەوەیەكی نایابمان بەدەستهێنا، یاری زۆرمان كرد و هەفتەیەكمان لەبەردەستە بۆ چاكبوونەوە.
پێكانەكەی ئێدەرسن باش دەرناكەوێت و لە یارییەكانی داهاتوو دادەبڕێت و ناتوانێت بەشداری بكات.
مانچێستەر سیتی لە كۆی 34 یاری 79 خاڵی كۆكردووەتەوە و ئارسیناڵ بە 35 یاری خاوەنی 80 خاڵە.
