بایرن میونشن بەبێ سێ یاریزانی دەستی بە ئامادەکاریی بۆ یارییەکەی ریال مەدرید کرد
یاریگا –
بایرن میونشن بەبێ سێ یاریزانی دەستی بە خۆئامادەکردن بۆ یارییەکەی ریال مەدرید لە پێش کۆتایی چامپیۆنزلیگ کرد.
لە راهێنانەکانی ئەمڕۆی بایرن میونشندا هەریەکە لە جەمال موسیالا و ماتیاس دی لیخت و کۆنارد لایمەر بەهۆی پێکانەوە نەبینران و بەشداریی راهێنانەکانی یانەکەیان نەکرد، کە دوو رۆژی دیکە بایرن میونشن لە یاریگای ئالیانز ئارینا لە یاریی چوونی پێش کۆتایی چامپیۆنزلیگ میوانداریی ریال مەدرید دەکات.
ڤیکتۆر کاتەلینا رۆژنامەنووسی ئەڵمانی ئاشکرایکردووە، سێرجی گنابری و لیرۆی سانێ بەبێ هیچ کێشەیەک بەشداریی راهێنانەکانی ئەمڕۆی بایرنیان کرد، کە ئاریێن رۆبن یاریزانی هۆڵەندی پێشووی یانەکە سەردانی مەشقەکانی یانەکەی کرد و پێش یارییە چارەنووسسازەکەیان پشتیوانی یاریزانەکانی کرد.
🤩 Famous guest in #FCBayern training today: Arjen Robben back at Säbener Straße wishing his former teammates good luck for the games against Real Madrid. #FCBRMA #FCBayern pic.twitter.com/0gvfkDsAHX
— Victor Catalina (@vcatalina96) April 28, 2024
رۆژی سێشەممە بایرن میونشن کاتژمێر 22:00 لە یاریگای ئالیانز ئارینا لە قۆناخی پێش کۆتایی چامپیۆنزلیگ میوانداریی ریال مەدرید دەکات، کە براوەی ئەو رووبەڕووبوونەوەیە لە یاریی کۆتایی لە یاریگای وێمبلی رووبەڕووی براوەی بۆڕووسیا دۆرتمۆند و پاریس سانجێرمان دەبێتەوە.
