راهێنەرە نوێیەکەی لیڤەرپوول ریکۆردێکی گەورەی شکاند
یاریگا –
ئارنە سڵۆت دەبێت بە گرانبەهاترین راهێنەری هۆڵەندی لە مێژووی پرێمەرلیگدا.
دوێنێ هەینی تۆڕی سکای سپۆرت بڵاویکردەوە، هەردوو یانەی لیڤەرپوول و فاینۆرد گەیشتوونەتە رێککەوتنی کۆتایی، لە وەرزی نوێ ئارنە سڵۆت دەبێت بە شوێنگرەوەی یۆرگن کڵۆپ.
لەلای خۆیەوە راهێنەرە هۆڵەندییەکەش لەگەڵ یانە ئینگلیزییەکە لەسەر تەواوی وردەکارییەکانی گرێبەستەکەی رێککەوتووە، لە چەند کاتژمێری داهاتوو واژۆ لەسەر گرێبەستەکەی دەکات.
🚨 BREAKING: Liverpool and Feyenoord have reached an agreement in principle over a compensation package for Arne Slot pic.twitter.com/QN8NFcuyS4
— Sky Sports News (@SkySportsNews) April 26, 2024
هاوکات رۆژنامەنووسی ئیتاڵی فابریزیۆ رۆمانۆ بڵاویکردووەتەوە، سڵۆت هەر لە ئێستاوە یەکێک لە ریکۆردە گەورەکانی پرێمەرلیگی شکاند و بووە بە گرانبەهاترین راهێنەری هۆڵەندی لە مێژووی خولەکە.
بەپێی زانیارییەکانی رۆمانۆ، بۆ گواستنەوەی سڵۆت، لیڤەرپوول بڕی 13-15 ملیۆن یۆرۆی پێشکەش بە فاینۆرد کردووە، بەمەش ناوبراو دەبێت بە تاکە راهێنەری هۆڵەندی لە مێژووی خولەکە، کە ئەو بارە لە گواستنەوەی خەرج بکرێت
🔴🇳🇱 Arne Slot will be the most expensive Dutch coach ever as Liverpool will pay compensation fee around €13-15m.
Details will be completed on paperworks over the weekend. pic.twitter.com/mDC02xyNUW
— Fabrizio Romano (@FabrizioRomano) April 26, 2024
هاوکات یۆرگن کڵۆپ، راهێنەرە هۆڵەندییەکە بە شوێنگرەوەیەکی گونجاوی دەزانێت، دڵخۆشە بە گرێبەستەکە و پەیامێکیشی بۆ دەنێرێت.
من بەشداری پرۆسەی هەڵبژاردنی راهێنەری نوێم نەکردووە، بەڵام دڵخۆشدەبم ئەگەر ئارنێ سڵۆت ببێت بە شوێنگرەوەم، حەزم لە ستایلی تیمەکەیەتی، ئەوەندەی دەیزانم کەسێکی باش و راهێنەرێکی باشە.
بە ئارنێی دەڵێم راهێنەرایەتی لیڤەرپوول باشترین کاری جیهانە، لیڤەرپوول باشترین یانەی جیهانە و خەڵکەکەی باشترینن.
