دیبالا بارسێلۆنا و چێڵسی بێهیوا دەکات
متمانەی بە پرۆژەکەی دی رۆسی هەیە
یاریگا –
یانەی رۆمای ئیتاڵی گرێبەستی پاولۆ دیبالای ئەرجەنتینی نوێدەکاتەوە.
رۆژنامەنووسی تۆڕی سکای سپۆرت، رودی گالێتی بڵاویکردووەتەوە، ئیدارەی رۆما لەگەڵ دیبالا دەستی بە گفتوگۆ کردووە، تا گرێبەستی ئەستێرە ئەرجەنتینییەکە نوێبکەنەوە.
گرێبەستەکەی دیبالا لەگەڵ رۆما لە هاوینی 2025 کۆتایی دێت، گورگەکان دەیانەوێت پارێزگاری لێ بکەن و نایانەوێت دەستبەرداری تواناکانی بن.
🚨🗣️ #ASRoma approached #Dybala to start discussing the renewal of his contract, which expires in 2025.
‼️ The 🇦🇷 ST – despite the interest of Barcelona and Chelsea – wants to give priority to his current club, also in light of the 🟡🔴's project and the permanence of De Rossi. https://t.co/4GXGldqk7I pic.twitter.com/4xVvGYrDFi
— Rudy Galetti (@RudyGaletti) April 26, 2024
گالێتی ئاماژەی بەوەش کردووە، سەرەڕای ئەوەی هەریەکە لە یانەکانی بارسێلۆنای ئیسپانی و چێڵسی ئینگلیزی گرنگی بە گواستنەوەی یاریزانەکە دەدەن، بەڵام پاولۆ لەژێر رۆشنایی پرۆژەکەی دی رۆسی ئارەزوو دەکات لە یانەکەی خۆی بمێنێتەوە.
ئەستێرە تەمەن 30 ساڵانییەکە لە هاوینی 2022 بە گرێبەستێکی ئازاد لە یوڤێنتوسەوە پەیوەندی بە رۆما کرد، بە درێسی گورگەکان لە سەرجەم پاڵەوانێتییەکاندا بەشداری 72 یاری کردووە، 33 گۆڵی کردووە و 18 گۆڵیشی درووستکردووە.
