یاریگا –
لیۆنێل مێسی، ئەفسانەی تۆپی پێ و كاپتن و سەركردەی هەلبژاردەی ئەرجەنتین و یانەی ئینتەر مەیامی ئەمریكی بەردەوامە لە پێشكەشكردنی ئاستی بەرز و گۆڵ كردن بۆ یانەكەی.
بەرەبەیانی ئەمڕۆ ئینتەر مەیامی لە یاریگای تایبەت بە خۆی میوانداری ناشڤیڵی كرد و یارییەكەشی بە ئەنجامی سێ گۆڵ بەرامبەر گۆڵێك لێ بردەوە.
بەو بردنەوەیەش ئینتەر مەیامی كۆی خاڵەكانی بۆ 18 خاڵ بەرزكردەوە و لە ریزبەندی یەكەمی خولی ئەمریكا دێت.
Back-to-back victories 💪 #VamosMiami pic.twitter.com/u7nmSlWyhA
— Inter Miami CF (@InterMiamiCF) April 21, 2024
لیۆنێل مێسی چەند گۆڵی بۆ ئینتەر مەیامی كردووە؟
| پاڵەوانییەتی | یاری | گۆڵ |
| خولی ئەمریكی | 12 | 8 |
| كۆنكاكاف | 3 | 2 |
| جامی كراوەی ئەمریكا | 1 | 0 |
| جامی خولی ئەمریكا | 7 | 10 |
| كۆی گشتی | 23 | 20 |
لیۆنێل مێسی لە ریزبەندی چەندەمی گۆڵكارانی مێژووی ئینتەر مەیامی دێت؟
بە كردنی 20 گۆڵ لیۆنێل مێسی لە ریزبەندی دووەمی گۆڵكارانی مێژووی ئینتەر مەیامی دێت.
ریزبەندی گۆڵكارانی مێژووی ئینتەر مەیامی:
| ریزبەندی | یاریزان | گۆڵ |
| 1 | گۆنزالۆ هیگواین | 29 |
| 2 | لیۆنێل مێسی | 20 |
| 3 | لیۆناردۆ كامبانا | 18 |
| 4 | جۆزێڤ مارتینێز | 10 |
| 5 | رۆبێرت تایلەر | 9 |
لەم وەرزەی خولی ئەمریكیدا لیۆنێل مێسی بەشداری لە شەش یارییدا كردووە و توانیویەتی حەوت گۆڵ بكات و سێ گۆڵیش درووست بكات.
