زیدان دەبێت بە راهێنەری بایرن میونشن؟
یاریگا –
زینەدین زیدانی فەڕەنسی نابێت بە راهێنەری داهاتوویی بایرن میونشنی ئەڵمانی.
رۆژنامەنووسی تۆڕی سکای سپۆرت، فلۆریان پلاتنبێرگ بڵاویکردووەتەوە، ئەو هەواڵانە دوورن لە راستی، کە دەڵێن گوایە زیدان نزیکە لە پەیوەندیکردن بە بایرن میونشن.
فلۆریان ئاماژەی بەوەش کردووە، لەم قۆناخەی ئێستا راهێنەرە فەڕەنسییەکە لە لیستی پاڵێوراوەکانی یانە باڤارییەکە نییە، پشتڕاستیکردووەتەوە کە هیچ پەیوەندییە لە نێوان زیزۆ و بایرندا نییە.
🚨New rumors about FC Bayern and Zinédine #Zidane are wide of mark again!
➡️ There is no truth in reports that Bayern are close to sign Zidane. He’s not on the list at this stage. Confirmed again.
➡️ Bayern were pushing for Nagelsmann. They were only informed of his rejection… pic.twitter.com/WXDpQ5ByoW
— Florian Plettenberg (@Plettigoal) April 19, 2024
بایرن دەیویست لە وەرزی نوێ جولیان ناگلیسمان بگەڕێتەوە یانەکە، بەڵام راهێنەرە لاوەکە ئەمڕۆ ئۆفەرەکەی یانەکەی پێشووی رەتکردەوە و گرێبەستەکەی لەگەڵ هەڵبژاردەی ئەڵمانیا نوێکردووەتەوە.
چابی ئاڵۆنسۆش یەکێکی دیکەبوو لە بژاردەکانی باڤارییەکان، بەڵام ئەویش دووپاتیکردەوە، کە وەرزی داهاتووش لە لیڤەرکوزن دەمێنێتەوە و یانەکەی جێناهێڵیت.
لەکۆتایی ئەم وەرزە تۆماس توخێل ماڵئاوایی لە بایرن میونشن دەکات، کە توخێل لە بەهاری 2023 لە شوێنی ناگلیسمان بوو بە راهێنەری نوێی یانەکە، بەڵام بەهۆی سەرنەکەوتنی لە ئەرکەکەی ئەم وەرزە کۆتا وەرزییەتی لە میونشن.
Breaking: Julian Nagelsmann will sign a new contract Til 2026 at DFB and will not be Coach of Bayern Munich @BILD_Sport @altobelli13 @YvonneGab
— Christian Falk (@cfbayern) April 19, 2024
