وۆڵکەر بەرامبەر ریال مەدرید یاری دەکات؟
یاریگا –
کایڵ وۆڵکەر بۆ ڕووبەڕووبوونەوەی ریال مەدریدی ئامادەیە.
چوارشەممەی داهاتوو، کاتژمێر 22:00 بەکاتی هەولێر، مانچێستەر سیتی لە یاری گەڕانەوەی قۆناخی چارەکی کۆتایی چامپیۆنزلیگ، میوانداری ریال مەدرید دەکات.
یاری چوونی نێوانیان لە سانتیاگۆ بێرنابێۆ بە یەکسانبوون 3-3 کۆتایی هات، بەڵام کایڵ وۆڵکەری بەرگریکاری بلوو موون بەهۆی پێکان نەیتوانی بەشداری یارییەکە بکات.
پێپ گواردیۆلای راهێنەری یانە ئینگلیزییەکە رایگەیاند، وۆڵکەر لە پێکانەکەی چاکبووەتەوە و بۆ یارییەکەی ریال مەدرید ئامادەیە.
ئێستا تەندرووستی وۆڵکەر باشترە، رەنگە بتوانێت چەند خولەکێک بەرامبەر ریال مەدرید یاری بکات، بەڵام نامەوێت مەترسی لەسەر درووست بکەم و بۆ ماویەکی زۆر لەدەستی بدەم، لە رۆژانی داهاتوو بڕیار لەسەر یاریکردنی دەدەین.
🔵 Pep Guardiola: “Kyle Walker feels much better, maybe he can help with minutes against Real Madrid because it’s a final”.
“But I don’t want to lose him for a long time… we will decide in the next days”. pic.twitter.com/54rPSUA3Ej
— Fabrizio Romano (@FabrizioRomano) April 14, 2024
تیپەکەی گواردیۆلا بەدۆخێکی باشدا تێدەپەڕێت، پاش 32 گەڕی پرێمەرلیگ بەجیاوازی 2 خاڵ لەپێش ئارسیناڵ و لیڤەرپوول پێشەنگی ریزبەندی خولەکەی گرتووە.
لە خولی یانە پاڵەوانەکانی ئەوروپاش بەهۆی ئەوەی یاری گەڕانەوە لە یاریگای خۆیەتی، پێشبینی دەکرێت ریال مەدرید تێپەڕێنێت و بگاتە قۆناخی پێشکۆتایی پاڵەوانێتییەکە.
