پۆچێتینۆ لە چێڵسی دەمێنێتەوە؟
یاریگا –
ئەگەری هەیە چێڵسی موریسیۆ پۆچێتینۆ لە پۆستی راهێنەرایەتیکردنی تیپەکەی دوورنەخاتەوە.
رۆژنامەنووسی تۆڕی سکای سپۆرت، رودی گالێتی بڵاویکردووەتەوە، ئەگەری هەیە وەرزی داهاتوو پۆچێتینۆی ئەرجەنتینی لە ئەرکی راهێنەرایەتی کردنی چێڵسی بەردەوامبێت و دوورناخرێتەوە.
لە 20ـی نیسان، بلوز لە یاری پێشکۆتایی جامی خولی ئینگڵتەڕا رووبەڕووی مانچێستەر سیتی دەبێتەوە، بەپێی زانیارییەکانی گالێتی، ئەگەر پۆچی بتوانێت ئەو نازناوە بەدەستبهێنێت و بلیتێکی گەیشتن بە یەکێک لە پاڵەوانێتییە ئەوروپییەکان مسۆگەر بکات، ئەوا بە ئەگەرێکی زۆر لە پۆستەکەی دەمێنێتەوە.
🚨‼️ #Chelsea, there are always chances that #Pochettino will stay next season too: the FA Cup path and UEFA qualification will be key elements.
📄 Instead, in the event of his farewell in June, #DeZerbi is among the names in the race to be appointed as his replacement. 🐓⚽ pic.twitter.com/CUopPlVQiV
— Rudy Galetti (@RudyGaletti) April 14, 2024
هەر بەپێی هەمان سەرچاوە، لە ئەگەری دوورخرانەوەی راهێنەرە ئەرجەنتینییەکە لە هاوینی داهاتوودا، رۆبێرتۆ دی زێڕبی ئیتاڵی و راهێنەری بڕایتن، نزیکترین بژاردەیە تا شوێنی موریسیۆ بگرێتەوە.
پۆچێتینۆ لە هاوینی رابردوو بووە راهێنەری بلوز، لەگەڵ یانە لەندەنییەکە لە سەرجەم پاڵەوانێتییەکاندا لە 42 یاریدا 21 یاری بردووەتەوە، 9 یاری یەکسانبووە و 12 یاریشی دۆڕاندووە.
هەروەها لەم وەرزەی پرێمەرلیگ لە 30 یاریدا خاوەنی 12 بردنەوە، 8 یەکسانبوون و 10 شکستە، بە کۆکردنەوەی 44 خاڵیش پلەی نۆیەمی ریزبەندی خولەکەی گرتووە.
