یاریگا –
زانیاریی نوێ و پێچەوانە گەیشت لە بارەی رۆیشتنی ئاردا گولەر لە ریاڵ مەدریدلە کۆتایی ئەم وەرزە.
ئەمڕۆ رۆمان ئەلڤارێزی رۆژنامەنووس لە رادیۆ مارکا لە هەواڵێکی چاوەڕواننەکراودا بڵاوی کردەوە کە گولەر یانەکەی ئاگەدار کردووەتەوە لەوەی دەیەوێت بۆ وەرزی داهاتوو لە ریاڵ بڕوات.
🚨 Arda Guler ha comunicado al Real Madrid que desea salir la próxima temporada. También Ancelotti es favorable a la idea de la cesión como os comenté hace un tiempo. Veremos qué decide el club. pic.twitter.com/nYQGqlPT78
— Ramón Álvarez de Mon (@Ramon_AlvarezMM) April 14, 2024
ئەو رۆژنامەنووسە ئەوەشی خستبووە ڕوو کارلۆ ئەنچلۆتی بیرۆکەکەی لا پەسەندە.
بەڵام پێچەوانەی رۆژنامەنووسەکەی مارکا، فابریزۆ رۆمانۆی شارەزای جموجوڵی بازاڕەکانی گواستنەوە بڵاوی کردەوە کە نە یاریزانەکە نە بریکارەکەیشی داوای بە خواستن رۆیشتنیان لە ریاڵ مەدرید نەکردووە.
رۆمانۆ پشتڕاستیشی کردووەتەوە کە لەم قۆناخەی وەرزەکەدا هیچ داخوازییەک رووی نەداوە و هەموو هۆشی گولەر لەسەر کۆتا هەفتەکانی وەرزەکەیە بۆ هاوکاری تیمەکە و پاشان یارییەکانی یۆرۆ.
🚨⚪️ Understand Arda Güler or his agents have currently not asked to leave Real Madrid on loan.
No request made at this point of the season, full focus on the final weeks to help the squad then time for the Euros. 🇹🇷
Talks will take place at the end of the season. pic.twitter.com/IWfjZR4sWj
— Fabrizio Romano (@FabrizioRomano) April 14, 2024
رۆژنامەنووسە باوەپێکراوە ئیتاڵییەکە لە زانیارییەکاندا ئەوەی ئاشکرا کردووە کە کۆتایی وەرز گفتوگۆکان دەستپێدەکات.
لە دوای پێکانە درێژەکەیەوە، گولەر و کورسی یەدەک بوونەتە دووانەیەکی لەیەک دانەبڕاو. لە کۆتا 13 جار بانگهێشتکردن بۆ پێکهاتەکە تەنها 31 خولەک یاری کردووە.
