یاریگا –
لە کلاسیکۆی داهاتوو بارسێلۆنا، بە درێسێکی جیاواز رووبەڕووی ریال مەدرید دەبێتەوە.
ماڵپەڕی فەرمی بارسێلۆنا بڵاویکردووەتەوە، لە یاری کلاسیکۆی داهاتوو یانەی کاتالۆنییەکە جارێکی دیکە بە درێسێکی جیاواز بەرامبەر بە ریال مەدرید یاری دەکات، کە یارییەکە لە 21ـی نیسان لە یاریگای سانتیاگۆ بێرنابیۆ بەڕێوەدەچێت.
The Barça x @karolg x @spotify flow is here 🧜♀️🩷💙❤️ pic.twitter.com/4HB3ZLioom
— FC Barcelona (@FCBarcelona) April 12, 2024
بارسێلۆنا لەو یارییەدا لۆگۆی خانمە گۆرانی بێژی کۆڵۆمبی کارۆڵ جی، لەسەر درێسەکەی دادەنێت، هەڵمەتەکە تەنیا یاری کلاسیکۆ ناگرێتەوە، بەڵکو سبەی شەممە لە یاری نێوان خانمانی بارسێلۆنا و ڤیاریالیش کاتالۆنییەکان ئەو درێسە دەپۆشن.
ئەم گۆڕانکارییە لە چوارچێوەی گرێبەستێکی نێوان بارسێلۆنا و کۆمپانیای سپۆتیفای دێت، کە کۆمپانیاکە تایبەتە بە بواری میوزیک و سپۆنسەری سەرەکی یانە کاتالۆنییەکەشە.
𝙏𝙞́𝙖 @karolg 𝙩𝙪́ 𝙩𝙚 𝙢𝙖𝙣𝙙𝙖’ 𝙪𝙣 𝙛𝙡𝙤𝙬 𝙦𝙪𝙚 𝙛𝙡𝙞𝙥𝙖 🧜♀️💙❤️
Barça x @karolg x @spotify 🩷 pic.twitter.com/YuUIjD7CN2— FC Barcelona (@FCBarcelona) April 12, 2024
لەلایەکی دیکە کارۆڵ جی هاوینی داهاتوو جارێکی دیکە دەگەڕێتەوە مەدرید، لە مانگی تەمموز چەند کۆنسێرتێک لە یاریگای سانتیاگۆ بێرنابیۆ سازدەکات.
هاوکات ئەمە جاری یەکەم نییە بارسا ئەم کارە دەکات، لە رابردوویشدا لە چوارچێوەی هەمان گرێبەست جارێک لۆگۆی راپەری بەناوبانگ “درەیک” و جارێکیش لۆگۆی گۆرانیبێژی کاتالۆنی رۆزالیای لەسەر درێسەکەی داناوە.
لە کلاسیکۆی رابردووش بارسا لۆگۆی باندی رۆلینگ ستۆنس، لەسەر درێسەکەی دانا، کە یەکێکە لە بەناوبانگترین باندەکانی رۆک لە مێژووی میوزیکدا.
