بەهۆی کای هاڤێرتز ئارسیناڵ پلانی هاوینەی دەگۆڕێت
یاریگا –
بەهۆی بەرزبوونەوەی ئاستی کای هاڤێرتز، ئارسیناڵ پلانی هاوینەی دەگۆڕێت.
ماڵپەڕی میرەری بەریتانی بڵاویکردووەتەوە، بەهۆی ئاستە بەرزەکەی کای هاڤێرتز لە یارییەکانی ئەم دواییەدا، ئارسیناڵ پلانی خۆی دەگۆڕێت و لە گواستنەوەی ئیڤان تۆنی پەشیمان دەبێتەوە.
هێرشبەرەکەی برێنتفۆرد لە هاوینی داهاتوو یانەکەی جێدەهێڵێت، یانە گەورەکانی ئینگڵتەڕا بۆ گواستنەوەی لەسەر هێڵن، ئارسیناڵیش دوو وەرزە بە وردی چاودێری یاریزانەکەی کردووە، بەڵام لەمەودوا گرنگی بە گواستنەوەی نادەن.
🚨 The recent good form of Kai Havertz has made Arsenal rethink their summer transfer plans, with a move for Ivan Toney now unlikely.
(Source: Mirror) pic.twitter.com/q6rih1oNH5
— Transfer News Live (@DeadlineDayLive) April 12, 2024
ئەستێرە ئەڵمانییەکە تا رادەیەک گرفتەکانی میکێل ئارتێتای لە هێڵی پێشەوە چارەسەرکردووە، لەدوایین 7 گۆڵی یانەکەی لە پرێمەرلیگ، بەشداری 5 گۆڵیانی کردووە و ئاستێکی بەرز پێشکەش دەکات.
بۆیە گەنەرز بڕیاریداوە لەبری گواستنەوەی هێرشبەرێکی تەمەن 28 ساڵانی وەک ئیڤان تۆنی، هێرشبەرێکی لاو بگوازنەوە، تا لە یانەکە گەشە بکات و بۆ ماوەیەکی زیاتر سودی لێ ببینن.
ئیڤانن فێرگسنی هێرشبەری بڕایتنی ئینگلیزی و ڤیکتۆر گیۆکێریسی هێرشبەری سپۆرتینگی پۆرتوگالیش دوو لە دیارترین ئەو هێرشبەران کە ئارتێتا ئارەزووی گواستنەوەیان دەکای.
