یاریگا –
یانەی ئارسیناڵ لێکۆڵینەوە لە ڕووداوێکی یارییەکەی بایەرن میونخیان دەکات و چاوەڕوان دەکرێت تێوەگلاوەکان سزا بدرێن لە باری ساخبوونەوەی تۆمەتەکانی سەریان.
سێشەممەی رابردوو یاریگای ئیماراتی تایبەت بە تۆپچیەکان باوەشی بۆ بایەرن میونخی مینوانیان کردەوە لە یاریی چوونی قۆناخی چارەکی کۆتایی چامپیۆنزلیگ کە بە یەکسانبوونی 2-2 کۆتایی هات.
بە گوێرەی زانیارییەکانی رۆژنامەی سەنی ئینگلیزی، چاوەڕوان دەکرێت ئارسیناڵ ڕێکارەکانی لێکۆڵینەوە دەستپێبکات بەوەی هاندەرانی بایەرن چۆن توانیویانە بەو ژمارە زۆرەوە بچنە یاریگاکەیان.
🚨 Arsenal are expected to investigate how Bayern Munich fans managed to get into the Emirates on Tuesday and will ban any Arsenal fans who sold them tickets.
(Source: Sun Sport) pic.twitter.com/n6MNIKNdJZ
— Transfer News Live (@DeadlineDayLive) April 11, 2024
لە درێژەی زانیارییەکاندا هاتووە گەر دەربکەوێت هەر هاندەرێکی گەنەرز هەستابێت بە فرۆشتنی بلیەت بە هاندەری باڤارییەکان، ئەوا سڕ دەکرێت و سزای پێویست وەردەگرێت لەپای ئەو کارە.
چوارشەممەی هەفتەی داهاتوو یانە لەندەنیەکە ڕوو دەکاتە ئالیانز ئارێنا بۆ یاری گەڕانەوە.
