یاریگا –
هەزاران موسڵمانان لە یاریگای ئانفێڵد هاوشێوەی یاریگاکانی ئیتیحاد و ستامفۆرد بریدج لە مانگی رەمەزاندا بەربانگیان کردەوە و لەناو یاریگا بەناوبانگەکەی لیڤەرپوول بانگ درا.
دوێنێ یەکشەممە (7ـی نیسان/ئەپرێلی 2024) کە رۆژی بیست و هەشتەمی مانگی رەمەزانی پیرۆز بوو، نزیکەی سێ هەزار موسڵمان لەناو یاریگای ئانفێڵد بەربانگیان کردەوە و نوێژیان کرد، کە ساڵانە موسڵمانان لە چەندان یاریگای گەورە و بەناوبانگی پرێمەرلیگ بەربانگ دەکەنەوە.
A privilege to be at Anfield this evening for a huge Share Ramadan event. Nearly 3,000 people came to join the Iftar. pic.twitter.com/uNfDsfz3Up
— Liam Thorp (@LiamThorpECHO) April 7, 2024
دەزگای خێرخوازیی یانەی لیڤەرپوول بە هاوبەشی لەگەڵ دەزگای حەسانەوەی ئیسلامی بەبۆنەی مانگی رەمەزانی پیرۆز لەناو یاریگای یانەی لیڤەرپوول ئیڤێنتێکی جیاوازی بۆ موسڵمانان رێکخست، تیایدا لەناو یاریگای ئانفێڵد بانگ درا، دوو هەزار و 800 موسڵمان لەو یاریگایە بەربانگیان کردەوە، کە ئەمە دوای ساڵی 2018 دووەمجارە موسڵمانان لەو یاریگایە بەربانگ دەکەنەوە.
Liverpool is also a club known for its cultural diversity. It's truly beautiful to see the call to prayer echoing at Anfield.
"Allahu Akbar" . God is great❣️ pic.twitter.com/BJB03iJoin
— SHAHID KHAN YOUSAFZAI (@shahidkhan_y) April 8, 2024
جگە لە یاریگای ئانفێڵد ئەمساڵ لە یاریگای ئیتیحادی مانچێستەر سیتیش بانگ درا و موسڵمانان بەربانگیان کردەوە، کە ساڵانە دەزگا خێرخوازی و ئیسلامییەکان لە بەریتانیا لە شوێنە گشتییەکان بەربانگکردنەوە بۆ موسڵمانان رێکدەخەن، ساڵی رابردوو موسڵمانان لە یاریگای وێمبلی و ستامفۆرد بریدج و چەندان یاریگای دیکەی گەورەی بەریتانیا بەربانگیان کردەوە.
