یاریگا –
ئالێخاندرۆ گارناچۆ، یاریزانی مانچێستەر یونایتد شێوازی ئاهەنگگێڕانی کریستیانۆ رۆناڵدۆ لەگەڵ ئیران فێرێیرا، تیکتۆکەری بەناوبانگی بەرازیلی دووبارە کردەوە.
یاریزانی نێودەوڵەتی ئەرجەنتینی، یەکێکە لەو یاریزانانەی زۆر بە رۆناڵدۆ سەرسامە و لەگەڵ فێرێیرا شێوازی ئاهەنگگێڕانی ‘سەرخەو’یان دووبارە کرد و وێنەکانیان لە سۆشیال میدیا بڵاوکردەوە.
View this post on Instagram
هەرچەندە گارناچۆ ئەرجەنتینییە، بەڵام سەرسامی خۆی بە رۆناڵدۆ نەشاردووەتەوە و لە یارییەکەی بەرامبەر وێستهام، لەدوای تۆمارکردنی گۆڵێک، هاوشێوەی ئاهەنگگێڕانی رۆناڵدۆ لە بەرامبەر ئاتلێتیکۆ مەدرید، ئاهەنگیگێڕا.
هێرشبەرە ئەرجەنتینییەکە لەگەڵ کەتیبەی ئێریک تێن هاخ سێشەممە لە ستامفۆرد بریج دەبنە میوانی چێڵسی.
