یاریگا –
یانەی هیلالی سعودی پێكانی هێرشبەر و گۆڵكاری یانەكەی ئەلێكساندەر میترۆڤیچی راگەیاند.
لە یاری رابردووی هیلال بەرامبەر شەباب میترۆڤیچ لە خولەكی 34ی یارییەكەدا تووشی پێكان بوو بە هۆیەوە یاریگای جێهێشت.
📄 أوضحت الأشعة التي أجراها لاعب #الهلال "ألكساندر ميتروڤيتش" تعرّضه لإصابة في العضلة الخلفية؛ سيخضع على إثرها لبرنامج علاجي وتأهيلي يمتد لستة أسابيع pic.twitter.com/XVr5OCQGax
— نادي الهلال السعودي (@Alhilal_FC) April 1, 2024
لە بەیاننامەیەكی فەرمیدا هیلال رایگەیاند:
لەو پشكنینانەی كە ئەلێكساندەر میترۆڤیچ ئەنجامیداوە، دەركەوت كە تووشی پێكان لە ماسولكەكانی پشتەوە بووە و بۆ ماوەی شەش هەفتە چارەسەری بۆ وەردەگیرێت.
بەوەش لە كاتێكی گرنگ و هەستیاردا تیمەكەی خیسۆس گرنگترین یاریزانی بۆ ماوەیەكی زۆر لەدەستدا.
میترۆڤیچ شەش هەفتە لە یاریگاكان دووردەكەوێتەوە و لە یارییەكانی بەرامبەر (ئەخدود، خلیج، نەسر، یاری هاتن و چوون بەرامبەر عەین لە چامپیۆنزلیگی ئاسیا، ئەهلی، فەتح، ئیتیحاد).
