یاریگا –
هەر یانەیەک بیەوێت دەتوانێت هاوینی داهاتوو گرێبەست لەگەڵ ئۆلمۆ واژۆ بکات.
رۆژنامەنووسی ئیتاڵی فابریزیۆ رۆمانۆ بڵاویکردووەتەوە، هاوینی داهاتوو بڕگەیەک لە گرێبەستەکەی دانی ئۆلمۆی یاریزانی لایپزیگ کارا دەبێت، کە رێگە بە یاریزانەکە دەدات یانەکە جێبهێڵیت.
یاریزانە ئیسپانییەکە لە هاوینی رابردوو گرێبەستەکەی لەگەڵ یانە ئەڵمانییەکە تا هاوینی 2027 نوێکردەوە، بەپێی مەرجێکی گرێبەستەکە، هەر یانەیەک یاریزانەکەی بوێت لە هاوینی داهاتوو دەتوانێت بە بڕی 60 ملیۆن یۆرۆ بیگوازێتەوە.
🔴⚪️🇪🇸 Dani Olmo’s contract at Leipzig includes €60m release clause that will become active starting from this summer.
It’s first time since signing new deal in 2023.
He scored yesterday on his first game as new number 10 for Spain, and could be one to watch in the summer. pic.twitter.com/QcNTWt5C8t
— Fabrizio Romano (@FabrizioRomano) March 27, 2024
بەپێی دەنگۆکان هەریەکە لە یانەکانی مانچێستەر سیتی، مانچێستەر یونایتد، چێڵسی و ئارسیناڵ لە ئینگڵتەڕا و ریال مەدرید و بارسێلۆناش لە ئیسپانیا گرنگی بە یاریزانەکە دەدەن و ئارەزوو دەکەن گرێەستی لەگەڵدا واژۆ بکەن.
هێرشبەرە تەمەن 25 ساڵانییەکە لە هاوینی 2020 بە بڕی 29 ملیۆن یۆرۆ لە دینامۆ زەگرابەوە پەیوەندی بە لایپزیگ کرد، بە درێسی ئەو یانەیە 142 یاری کردووە، 28 گۆڵی کردووە و 33 گۆڵیشی درووستکردووە.
دوو نازناوی جامی ئەڵمانیا و نازناوێکی جامی سوپەری ئەڵمانیاشی لەگەڵ لایپزیگ بەدەستهێناوە.
