یانەی ئاکرێ پێشەنگی یانەکانی خولی نایابی کوردستانی وەرگرت
ئەمڕۆ شەممە 24\3\2024 چوار یاری لە دەسپێکی یارییەکانی گەڕی 26ـی خولی نایابی کوردستان بەڕێوە چوو.
یانەی سەید سادق لە دەرەوەی یاریگای خۆی بە ئەنجامی 2_2 لەگەڵ یانەی سیروانی نوێ یەکسان بوو، گۆڵەکانی یانەی سیروانی نوێ یاریزان پەیام ئەحمەد و دیلان غەفووری گۆڵپارێز بە لێدانی سزا تۆماریکرد و گۆڵەکانی یانەی سەید سادق یاریزانان یادگار ئیبراهیم و سوهەیب تەها تۆماریانکرد، کۆی خالەکانی یانەی سەید سادق بوە 29 خال و هێشتا لە ناوچەی مەترسی دابەزیندایە و یانەی سیروانی نوێش خاەکانی بووە 37 خاڵ، لە پیرمام هەر دوو یانەی ئاڕاڕات و یانەی چوارقوڕنە بەبێ گۆڵ یەکسان بوون، یانەی ئاڕاڕات 28 خاڵی هەیە و لە ڕیزبەندی پێش کۆتایی خولەکە دێت و یانەی چوارقوڕنەش 34 خاڵی هەیە لە پلەی نۆیەم دێت.
یانەی ئاکرێ یاری لووتکەی ئەم هەفتەیەی لە یانەی پێشمەرگەی هەولێر بە ئەنجامی 3_1 گۆڵ بردەوە و هاتە ڕیزبەندی یەکەمی خولی نایابی کوردستان، گۆڵەکانی ئاکرێ هەریەک لە یاریزانان و عاید ئەنوەر دووگۆڵ و عەلی فایەق تۆمارکران و تاکە گۆڵی یانەی پێشمەرگەی هەولێریش یاریزان عەبدوڵا سەربەست تۆماریکرد، یانەی ئاکرێ بە 44 خاڵ پلەی یەکەمی ڕیزبەندی خولی نایابی کوردستانی گرتووە و یانەی پێشمەرگەی هەولێریش بە 42 خاڵ بە شێوەیەکی کاتی لە پلەی دووەمدایە، یانەی سۆران بە 27 خاڵ لە کۆتایی ڕیزبەندی یانەکان مایەوە کاتێک لە نێو یاریگای خۆی بە ئەنجامی 2_1 بە یانەی دەربەندیخان دۆڕا، یانەی دەربەندیخانیش خاڵەکانی بووە 34 خاڵ و لە پلەی هەشتەم دێت.
یارییەکانی سبەی لە خولی نایابی کوردستان
