یاریگا –
یانەی ریال مەدریدی ئیسپانی لە بەیاننامەیەكی فەرمیدا دووبارە پێكانی تیبۆ كۆرتوای بەلجیكی و گۆڵپارێزی سەرەكی یانەكەی راگەیاند.
لە سەرەتایی وەرزدا كۆرتوا تووشی پچڕانی بەستەری ئەژنۆی بوو نەیتوانی بەشداری هیچ یارییەك بكات.
لە ماوەی رابردوودا گۆڵپارێزە بەلجیكیەكە بەشداری راهێنانە بە كۆمەڵەكانی یانەكەی دەكرد و نزیك بوو لە دووبارە گەڕانەوە بۆ یاریگاكان.
Parte médico de Courtois.#RealMadrid
— Real Madrid C.F. (@realmadrid) March 19, 2024
هەژماری فەرمی ریال مەدرید لە پلاتفۆرمی ئێكس بەیاننامەیەكی فەرمی بڵاوكردەوە و تێیدا رایگەیاند كە لە راهێنانەكانی ئەمڕۆدا تیبۆ كۆرتوا لە ئەژنۆی راستیدا تووشی پێكان بووە.
بەپێی زانیارییەكانی زە ئاتڵێتیك گۆڵپارێزەكەی ریال مەدرید بۆ ماوەی 6 بۆ 7 هەفتە لە یاریگاكان دووردەكەوێتەوە.
لەلایەكی دیكەوە رۆژنامەی ئاس دووپاتیكردووەتەوە كە بە شێوەیەكی فەرمی ئەم وەرزە بۆ كۆرتوا كۆتایی هات.
