لەپێناو مالن لیڤەرپوول ململانێی دوو یانەی دیکە دەکات
یاریگا –
لیڤەرپوول دەچێتە ناو کێبڕکێی بەدەستهێنانی تواناکانی دۆنیێڵ مالن.
رۆژنامەی بیڵدی ئەڵمانی بڵاویکردووەتەوە، لیڤەرپوول ئارەزووی گواستنەوەی دۆنیێڵ مالنی ئەستێرەی بۆڕووسیا دۆرتموند دەکات، کە ئارسیناڵ و مانچێستەر یونایتیدش یاریزانەکەیان کردووەتە ئەمانج.
Liverpool is interested in Donyell Malen (25) @BVB ✅
❇️ Also @ManUtd is still interested, a Swap Deal with @Sanchooo10 is an Option
❇️ @Arsenal are watching the offensiv-Player (contract til 2026) pic.twitter.com/P4JZQOlYpY— Christian Falk (@cfbayern) March 17, 2024
نرخی ئێستای یاریزانەکە لە بازاڕی گواستنەوەی 35 ملیۆن یۆرۆیە و گرێبەستەکەی لە 2026 بەسەردەچێت، بەڵام سباستیان کیڵی بەڕێوبەری وەرزشی یانەکە جەختی لەوە کردووەتەوە، نایانەوێت یاریزانە هۆڵەندییەکەیان لەدەست بدەن.
بەڵام بەپێی زانیارییەکانی بیڵد، ئەگەر هەر یانەیەک ئۆفەرێکی 60 ملیۆن یۆرۆیی بخاتە سەر مێزەکەی سباستیان، ئەوا گفتوگۆکردن دەستپێدەکات و بە ئەگەرێکی زۆر دۆرتموند دەستبەرداری دەبێت.
هاوکات هێرشبەرە تەمەن 25 ساڵانییەکە تا ئێستا خۆی یەکلایی نەکردووەتەوە، چاواڕوان دەکات تا بزانێت لە کۆتایی وەرزەکە کێ دەبێت بە شوێنگرەوەی یۆرگن کڵۆپی راهێنەری لیڤەرپوول، ئەوکات بڕیاری کۆتایی خۆی دەدات.
مالن لەم وەرزە لە سەرجەم پاڵەوانێتییەکان لە 33 یاری بەشداری 18 گۆڵی کردووە، 13 گۆڵی کردووە و 5 گۆڵیشی بۆ یانەکەی درووستکردووە.
