یاریزانێکی کورد بۆیەکەمجار بانگهێشتی هەڵبژاردەی ئەڵمانیا کرا
یاریگا –
بۆیەکەمجار دێنیز ئونداڤ یاریزانی بە رەسەن کورد لەلایەن جولیان ناگلیسمانەوە بانگهێشتی هەڵبژاردەی ئەڵمانیا کرا.
دێنیز ئونداڤ کە بە رەسەن خەڵکی شاری روهای باکووری کوردستانە و لە یانەی شتوتگارتی ئەڵمانی یاریی دەکات و یەکێکە لە یاریزانە کاریگەرەکانی ئەم وەرزەی بۆندسلیگا، پێشتر بۆ هەڵبژاردەی تورکیا بانگهێشتکرابوو بەڵام ئەو هێرشبەرەب کوردە رەتیکردبووەوە بۆ تورکیا یاریی بکات.
#VfB-Quartett für den DFB: Bundestrainer Julian Nagelsmann hat an diesem Donnerstag die VfB-Profis Chris #Führich, Waldemar #Anton, Deniz #Undav und Maximilian #Mittelstädt nominiert.
Herzlichen Glückwunsch, Jungs!! 💪⚪🔴
Zur Meldung 🔗👉 https://t.co/QVTsnY4ARy pic.twitter.com/bA57wQKuqY
— VfB Stuttgart (@VfB) March 14, 2024
دێنیز ئونداڤ دوای چاوەڕوانییەکی زۆر خەونەکەی هاتەدی و لەلایەن یولیان ناگلیزمان راهێنەری هەڵبژاردەی ئەڵمانیاوە بۆ دوو یاریی دۆستانە بەرامبەر فەرەنسا و هۆڵەندا بانگهێشت کراوە، کە یەکەمجارە ئەو هێرشبەرەی شتوتگارت بانگهێشتی مانشافت دەکرێت و ئونداڤ چاوی لەوەیە متمانەی ناگلیزمان بەدەست بهێنێت بۆ ئەوەی بۆ یۆرۆی 2024 بانگهێشتی بکات.
دێنیز ئونداڤ (27 ساڵان) موڵکی یانەی برایتنی ئینگلیزییە و بە خواستن یاریی بۆ شتوتگارت دەکات، ئەم وەرزە لە بۆندسلیگا لە 21 یاری 14 گۆڵ و پێنج ئەسیستی کردووە.
