یاریگا –
جارێکی دیکە هاندەرانی ئاتلێتیکۆ مەدرید سوکایەتی رەگەزپەرستی بە ڤینیسیۆس دەکەن.
شەوی رابردوو لە یاری گەڕانەوەی قۆناخی شازدەی چامپیۆنزلیگ، ئاتلێتیکۆ مەدرید لە یاریگای واندا میترۆپۆلیتانۆ میوانداری ئینتەر میلانی کرد، رۆخی بلانکۆس بە لێدانی یەکلاکەرەوە یارییەکەی بردەوە و خۆی گەیاندە قۆناخی چارەکی کۆتایی پاڵەوانێتییەکە.
بەر لە یارییەکە ژمارەیەکی زۆری هاندەرانی ئاتلێتیکۆ بۆ پێشوازیکردن لە شاندی یانەکەیان لەبەردەم یاریگا کۆبوونەوە، چەندین هوتافی جیاوازیان گوتووەتەوە.
لە گرتە ڤیدیۆیەکدا دەردەکەوێت هاندەرانی یانە ئیسپانییەکە سوکایەتی رەگەزپەرستی بە ڤینیسیۆس جونیۆری ئەستێرەی ریال مەدرید دەکەن و بە مەیمون ناوی دەهێنن.
ئۆلێ، ئۆلێ، ئۆلێ، ڤینیسیۆس مەیمونە.
“Ale, ale, ale Vinicius chimpancé”
Los aficionados colchoneros se acuerdan del eterno rival en la previa de su partido ante el Inter con este cántico 🧏.
🎥: @AgenteLibre_dig pic.twitter.com/uLAQDxAFHO
— Agente Libre Digital 🚩 (@AgenteLibre_dig) March 13, 2024
ئەمە جاری یەکەم نییە هاندەرانی ئاتلێتیکۆ مەدرید سوکایەتی بە ئەستێرە بەڕازیلییەکە دەکەن، لە نێوان ساڵی 2022 تا 2024 زیاد لە سێ جار ئەو کارەیان بەرامبەر بە ڤینی کردووە.
خۆشبەختانە ئەمجارە لە گرتە ڤیدیۆیەکە روخساری کەسە رەگەزپەرستەکان بە روونی دەردەکەوێت، یاسا دەتوانێت بە ئاسانی بە سزایان بگەیەنێت.
