ئارسێناڵ پاداشتی داڤید رایا دەداتەوە
یاریگا –
ئارسێناڵ لەگەڵ داڤید رایا گەیشتووەتە رێککەوتن و ئەو گۆڵپارێزە ئیسپانییە لە یانەکەی دەهێڵێتەوە و ناگەڕێتەوە ریزەکانی برێنتفۆرد.
فابزیریۆ رۆمانۆ رۆژنامەنووسی ئیتاڵی ئاشکرایکردووە، ئارسێناڵ چەند مانگێک لەمەوبەر لەگەڵ داڤید رایا و یانەی برێنتفۆرد گەیشتووەتە رێککەوتن، ئەو گۆڵپارێزە ئیسپانییە لە ریزەکانی ئارسێناڵ بەردەوام دەبێت، کە بە خواستن هاوینی رابردوو پەیوەندی بە ریزەکانی گەنەرزەوە کرد.
🚨 Arsenal plan includes David Raya’s buy option to be triggered without any doubt, already decided months ago.#AFC will invest £27m on that as planned since last summer.
🔐 New deal already completed for Tomiyasu.
↪️ New deal to be sealed soon for Ben White. pic.twitter.com/BoAXVWxWFH
— Fabrizio Romano (@FabrizioRomano) March 13, 2024
داڤید رایا (28 ساڵان) لە بۆرسەی یاریزانان نرخەکەی 35 ملیۆن یۆرۆیە و ئارسێناڵ لەوەتەی هاوینی رابردووەوە بڕیاریداوە 27 ملیۆن پاوەند بۆ نوێکردنەوەی گرێبەستی رایا تەرخان بکات و پارەی چالاککردنی بەندیکی گرێبەستەکەی بدات و رایا لە یانەکەی بهێڵێتەوە.
جگە لە رایا، ئارسێناڵ لەگەڵ تۆمیاسۆ بەرگریکاری ژاپۆنی یانەکەشی گەیشتووەتە رێککەوتن بۆ ئەوەی گرێبەستەکەی نوێبکاتەوە و گەنەرز پلانی داهاتووی نوێکردنەوەی گرێبەستی بێن وایت دەبێت.
رایا کە رۆڵی سەرەکی هەبوو لە سەرکەوتنی ئارسێناڵ بۆ قۆناخی چارەکی کۆتایی چامپیۆنزلیگ، لەم وەرزە لەگەڵ ئارسێناڵ لە پرێمەرلیگ و چامپیۆنزلیگ لە 29 یاری 13 کلین شیتی تۆمارکردووە و تەنیا 23 گۆڵی لێکراوە.
