کامێرۆن بە جارێک 62 یاریزانی سڕکرد
یاریگا –
فیدراسیۆنی تۆپی پێی کامێرۆن، بەهۆی ساختەکاری، بە جارێک 62 یاریزانی سڕکرد.
ماڵپەڕی ئاتڵێتیک بڵاویکردووەتەوە، فیدراسیۆنی تۆپی پێی کامیرۆن بەهۆی ساختەکاری لە ناسنامەکانیان 62 یاریزانی خولی ناوخۆیی وڵاتەکەی سڕکرد، کە لەناویان یاریزانێکی بەشدار لە جامی نەتەوەکانی ئەفریقای رابردووش سڕکراوە.
فیکافۆت لیستی ناوی یاریزانانی بۆ بەشداریکردن لە یارییەکانی پلەی ئۆفی خولی پلە یەکەکانی کامیرون بڵاوکردووەتەوە، فیدراسیۆنەکە ئاماژەی بەوە کردووە، 62 یاریزان لە خولەکە بێبەش دەبن، کە 52 یاریزانیان بە تۆمەتی هەبوونی دوو ناسنامە سڕکراون.
Selon le président de victoria United, le frère de NATHAN DOUALA, qui s'appelle BARDELI JOANH DOUALA, qui fut aussi un footballeur, est porté disparu depuis quelques mois, il serait décédé, IMPOSSIBLE DONC DE FAIRE LA COMPARAISON AVEC NATHAN DOUALA, LE PRO pic.twitter.com/zcZUWc5kdK
— QueenVVictoria 🇨🇲❤️ (@QueenVVictoria_) March 12, 2024
ئەوەی زیاتر جێگای سەرنجە، ولفرێد دوالای یاریزانی ڤیکتۆریا یونایتد ناوی لە لیستی یاریزانە سڕکراوەکاندایە، کە ناوبراو لەگەڵ هەڵبژاردەی کامێرۆن بەشداری جامی نەتەوەکانی ئەفریقای 2023ـی کردبوو.
دوالا لە پاڵەوانێتییەکە بە ناوی تەمەن 17 ساڵان تۆمارکراوە، لاوترین یاریزانی پاڵەوانێتییەکەش بوو، بەڵام بەپێی تۆمەتەکان پێشتر لە خولی کامێرون بە ناوی ئەلێکساندەر باردێلی یاری کردووە و تەمەنی بەلای کەم بە 23 ساڵ لە قەڵەمدراوە.
لەلایەکی دیکە یانەی ڤیکتۆریا یونایتد سەرجەم تۆمەتەکان رەتدەکاتەوە، پێیوایە فیدراسیۆنی کامیرۆن بەهەڵە دوو یاریزانی ئەوانی سڕکردووە و هیچ یاریزانێکیان دوو ناسنامەی نییە.
📡Cameroon Human Right Association has this to say….
ONE PEOPE, ONE POWER#victoriaunitedfc #opopo #opopotv #opopogym #FecafootOfficiel pic.twitter.com/k7tdJZrmRX
— VICTORIA UNITED FC (OPOPO) (@OpopoUnited) March 13, 2024