لەپێناوی رۆژوو شکاندنی یاریزانە موسڵمانەکان یارییەکانی خولی فەرەنسی راناگیرێن

یاریگا –

جارێکی دیکە فیدراسیۆنی تۆپی پێی فەرەنسا رەتیدەکاتەوە لە مانگی رەمەزاندا لەکاتی بەربانگ یارییەکانی خولەکانی فەرەنسا رابگیرێن.

کەناڵی RMCـی فەرەنسی ئاشکرایکردووە، فیدراسیۆنی تۆپی پێی فەرەنسا بە نووسراوی فەرمی سەرجەم ناوبژیوانانی ئاگادار کردووەتەوە، لەپێناوی بەربانگکردنی یاریزانە موسڵمانەکان یارییەکان رانەگرن، لەکاتێکدا لە ئینگلتەرا و فەرەنسا بە بڕیاری فیدراسیۆنی تۆپی پێ یارییەکان لەپێناوی بەربانگکردنی یاریزانە موسڵمانەکان رادەگیرێن.

وەرزی رابردووش ئێریک بۆرگینی سەرۆکی دەستەی ناوبژیواننای فەرەنسا بە نووسراوی فەرمی ناوبژیوانانی ئاگادار کردبووەوە، لەکاتی بەربانگ یارییەکانی خولەکانی فەرەنسا رانەگیرێن.