یاریگا –
لویز ئێنریکی لەبارەی یاریکردنی ئێمباپێ لە یاریی سبەی پاریس سانجێرمان بە توانجەوە دەڵێت ‘بەگوێرەی پلەی گەرمی کەشوهەوا لەبارەی یاریکردنی ئێمباپێ بڕیار دەدەم.
لویز ئێنریکی راهێنەری پاریس سانجێرمان لە کۆنگرەی رۆژنامەوانی پێش یارییەکەی سبەی بەرامبەر رێمس لەبارەی ئەگەری یاریکردنی کیلیان ئێمباپێ لەو یارییە بە توانجەوە گوتی :’ بەگوێرەی پلەی گەرمی کەشوهەوا لەبارەی یاریکردنی ئێمباپێ بڕیار دەدەم، بزانین سبەی کەشوهەوا گەرم دەبێت یان نا، ئینجا بڕیار دەدەین’.
سبەی پاریس سانجێرمان لە گەڕی بیست و پێنجەمی خولی پلە یەکی فەرەنسی میوانداریی ستاد رێمس دەکات، کە شازادەکانی پاریس بە کۆکردنەوەی 55 خاڵ پێشەنگی خولەکەی گرتووە.
ئێمباپێ لە دوایین یاریی یانەکەی لە چامپیۆنزلیگ بەرامبەر ریال سۆسیداد دوو گۆڵی کرد، کە بەگوێرەی میدیا ئیسپانی و فەرەنسییەکان هێرشبەرە فەرەنسییەکە بە یانەکەی راگەیاندووە کۆتایی ئەم وەرزە یانەکە بەجێدەهێڵێت.
